港 (已結業)

Item: 港
Rating: 5
Author: tfreya

KONG by Bread & Beast

165 食记

味道

环境

服务

卫生

抵食

2879

湾仔

$201-400

多国菜酒咖啡店酒吧

151

tfreya

等级3

上网睇佢哋食嘅嘢都几特色，咁就叫埋朋友一齐去食，顺便祝贺佢哋屋企有新成员 =)。我哋大概 1930 去到，点菜嘅时候发现唔少菜式都已经沽清，我哋去到嘅时候主食挣系得返一样，真系有啲愕然。不过都 Okay，我哋都揾到想食嘅几味菜。「糖醋猪腩仔」(HKD78)，用猪腩肉包住啲红萝卜丝，加埋个酱汁好清新，好好食嘅开胃小食。跟住上嘅系「葱油饼」(HKD48) 配「黑蒜蛋黄酱」(HKD48)。黑色嘅酱汁，但系食落去系蛋黄酱，几得意。之后我哋加多个「恰巴塔包」(HKD48) 同「士多啤梨乳清干酪」(HKD78)。比较之下，钟意「包」多个「饼」，因为「包」长型，方便食佢哋啲酱。我点嘅「‘港’式咸柠鸡」(HKD158)，一听个名已经够晒吸引。钟意柠檬同鸡肉嘅我，点会唔点依个；幸运嘅系，佢都系当晚唯一剩返嘅主食，所以点都系点佢啦。卖相似韩国炸鸡，我以为佢会系有类似跟咸柠酱嘅炸鸡，但其实佢系将啲调味放晒入去啲炸粉同腌肉度，同埋系去骨鸡！真系啖啖肉，啖啖咸柠味。「避风塘芝士蟹肠粉」(HKD168)。卖成百几蚊嘅「肠粉」真系未食过，都几期待。一嚟个卖相已经赢咗，芝士加蟹肉真系又系无得输，最正嘅系佢啲肠粉都做

上网睇佢哋食嘅嘢都几特色，咁就叫埋朋友一齐去食，顺便祝贺佢哋屋企有新成员 =)。
我哋大概 1930 去到，点菜嘅时候发现唔少菜式都已经沽清，我哋去到嘅时候主食挣系得返一样，真系有啲愕然。不过都 Okay，我哋都揾到想食嘅几味菜。

「糖醋猪腩仔」(HKD78)，用猪腩肉包住啲红萝卜丝，加埋个酱汁好清新，好好食嘅开胃小食。

跟住上嘅系「葱油饼」(HKD48) 配「黑蒜蛋黄酱」(HKD48)。黑色嘅酱汁，但系食落去系蛋黄酱，几得意。之后我哋加多个「恰巴塔包」(HKD48) 同「士多啤梨乳清干酪」(HKD78)。比较之下，钟意「包」多个「饼」，因为「包」长型，方便食佢哋啲酱。

我点嘅「‘港’式咸柠鸡」(HKD158)，一听个名已经够晒吸引。钟意柠檬同鸡肉嘅我，点会唔点依个；幸运嘅系，佢都系当晚唯一剩返嘅主食，所以点都系点佢啦。卖相似韩国炸鸡，我以为佢会系有类似跟咸柠酱嘅炸鸡，但其实佢系将啲调味放晒入去啲炸粉同腌肉度，同埋系去骨鸡！真系啖啖肉，啖啖咸柠味。

「避风塘芝士蟹肠粉」(HKD168)。卖成百几蚊嘅「肠粉」真系未食过，都几期待。一嚟个卖相已经赢咗，芝士加蟹肉真系又系无得输，最正嘅系佢啲肠粉都做到酒楼点心嘅质感。个人觉得系依间舖头必食。我之后仲追加咗个包去食埋佢啲蟹肉芝士酱，正。

「豆瓣酱浸椰菜花」(HKD78)，个人觉得有啲辣，太太话唔食得辣唔好叫，因为真系食唔到。

「豆豉鲮鱼凯撒沙律」(HKD88)，我哋都系谂咗一阵先叫，因为觉得「系咪真系得架？」。我第一啖觉得咸咗啲，加返多啲沙律菜又 Okay 啵。太太一路食一路话真系估唔到咁新咁有创意，我个人觉得太太打算返屋企试下整。

味道：✮✮✮✮✮
味道无得输啦，咁样嘅港式 Fusion 菜都系第一次食，除咗因为个人唔太食辣其中一味菜唔系特别喜好之外，其他都好好食。正。
环境：✮✮✮✮
舖头对街，中门大开嘅格局，好在系横街掘头路尽头，基本上无车，所以灰尘同噪音唔算特别犀利；系后尾有啲饮醉咗嘅外国人喺度扰攘（始终佢都算系酒吧），所以差少少；不过果阵都开始夜，我哋都差唔多走，影响唔大。
服务：✮✮✮✮✮
小店可能职员唔够，有时候都要等一阵，好在我哋去时间唔算多人，都 Okay。见到个职员传菜之余仲会同我哋解释每道菜其实系咩嚟（Fusion 菜佢唔解释其实唔会知系咩嚟），算好好噜。
卫生：✮✮✮✮
中门大开嘅地舖系要提防多尘土，但夜晚基本无车所以无问题，倘若有车就好难讲。
抵食：✮✮✮✮✮
价钱合理，食物质素仲要无得输 xP。