大渣哥茶記 (已結業)

大渣哥喺湾仔都开咗一段时间，每次lunch 经过都见到好多人系门口等，搞到都无乜意欲去排队。不过今日有同事同我讲，其实茶餐门口大部份都系外卖，所以今日就都决定去Try Try。但去Lunch依然都系好多人排，但吓唔到我嘅，决定继续等，果然，等咗几分钟之后就有位！入边地方偏大，正常茶餐厅格局，几干净。第一次食紧系试下「打趸常餐」，我拣咗 鸡扒意粉、煎双蛋、丹麦多士同埋冻柠荼！鸡扒够大块，煎到皮脆肉嫩，腌得够入味而且无乜雪味；意粉唔会太冧同散，汤够浓厚，食落都条条沾到汤！丹麦多士味道正常，如果可以热辣辣咁送上就更好！总结几好食，得闲会多帮衬，试下其他嘢！