HOKO Farm (已結業)

其实经过呢间餐厅好多次，一路觉得环境几舒服好适合两到四个人坐埋一齐食饭倾计，因为系商业中心，次次见到都见到好多上班族喺度食野，今次终于有机会试。同男朋友衬佢唔系好多人既时间入咗去。一人叫一个套餐，男朋友叫咗个呢度好出名嘅全日早餐，而我就叫左一个芝士黑咖喱和牛汉堡饭同冻柠茶。其实本身自己比较钟意食中餐，因为男朋友想食全日早餐，所以先专程来呢度食，等左大约15分钟左右就开始上菜啦，当初餐牌见到黑咖喱饭，所谓既黑咖喱咖原来系日式咖喱，个咖喱无咩太特别，同一般食到既日式咖喱一样，唔辣偏甜、仲带小小果酸味，加埋芝士几好配白饭，白饭都唔错几香软。反而最惊喜既系个和牛汉堡，食过唔少牛肉汉堡，通常都好够味，但就欠鲜味，感觉好罐头，但佢里个好有牛肉味，唔会鞋口同埋好多肉汁，相当高质既一块牛肉汉堡。成餐饭最失望既系冻柠茶，茶味唔够，始终都系饮茶餐厅既最隐阵。至于女朋友个全日早餐，听佢讲就无咩特别，最贵就其实系黑松露炒蛋度，我都试左小小，整体不过不失，不过作为招牌菜黎讲就有小小失望。