影片
更多
2022-05-11
365 浏览
妈妈节当然要食返餐好嘅‼️帮衬过哩间好多次，每次都冇令我失望，今次就订个靓位同阿猪妈食正野啦😆今次只系提前几日book，原本都好惊冇位，好彩我地唔介意早啲食，订咗5点半嘅位，职员安排咗张窗口靓卡位俾我地，可以边食边欣赏夜景啦🌃✨台湾贵妃乌龙每枱都有一壶茶，乌龙味道香浓唔苦涩，食火锅去油腻必备👍🏻✨冰沙系乳酸冰沙嘅味道，用餐中段时间就会送上。如果食咗辣野嘅话，都几解辣架！而且酸酸甜甜都几开胃，饮完又可以继续食🤭✨梅子茶冻餐后奉上每人一碟茶冻，茶冻中间有一粒梅子，味道带点酸酸地，食完火锅又辣又腻，食返个茶冻成个人感觉清新返哂🌿✨前菜 & 水果（自助吧 - 每位$19）酱料、前菜、水果等都系自助形式，可选择嘅酱料款式好多，总会拣到啱口味👍🏻 另外白饭任装，仲可以配埋台式肉燥汁捞饭。前菜有中华沙律同鱼皮，水果有车厘茄、西瓜同埋哈蜜瓜，水果款款都好甜😋 ✨台式麻辣锅 $138（鸳鸯锅）爱辣肥b必点汤底😆 虽然我唔系好食得辣，但都难以抗拒鸭血嘅引诱😏 任食鸭血真系超级正😍 同我一样唔系好食得辣嘅朋友都一样可以试吓，只要小心唔好食到辣椒籽嘅话，其实一样可以食到哩个汤底🤪 ✨红颜花胶鸡锅 $138（鸳鸯
妈妈节当然要食返餐好嘅‼️帮衬过哩间好多次，每次都冇令我失望，今次就订个靓位同阿猪妈食正野啦😆今次只系提前几日book，原本都好惊冇位，好彩我地唔介意早啲食，订咗5点半嘅位，职员安排咗张窗口靓卡位俾我地，可以边食边欣赏夜景啦🌃
✨台湾贵妃乌龙每枱都有一壶茶，乌龙味道香浓唔苦涩，食火锅去油腻必备👍🏻
✨冰沙
系乳酸冰沙嘅味道，用餐中段时间就会送上。如果食咗辣野嘅话，都几解辣架！而且酸酸甜甜都几开胃，饮完又可以继续食🤭
✨梅子茶冻
餐后奉上每人一碟茶冻，茶冻中间有一粒梅子，味道带点酸酸地，食完火锅又辣又腻，食返个茶冻成个人感觉清新返哂🌿
✨前菜 & 水果（自助吧 - 每位$19）
酱料、前菜、水果等都系自助形式，可选择嘅酱料款式好多，总会拣到啱口味👍🏻 另外白饭任装，仲可以配埋台式肉燥汁捞饭。前菜有中华沙律同鱼皮，水果有车厘茄、西瓜同埋哈蜜瓜，水果款款都好甜😋
124 浏览
0 赞好
0 留言
爱辣肥b必点汤底😆 虽然我唔系好食得辣，但都难以抗拒鸭血嘅引诱😏 任食鸭血真系超级正😍 同我一样唔系好食得辣嘅朋友都一样可以试吓，只要小心唔好食到辣椒籽嘅话，其实一样可以食到哩个汤底🤪
✨红颜花胶鸡锅 $138（鸳鸯锅）
每次都一定要点哩个汤底🤤 食火锅前要先饮一转汤，饮完之后职员会再加汤先开始食火锅。汤底用花胶鸡熬制而成，再加埋细细粒鲍鱼仔、野米同埋花菇。一饮落口真系不得了，每啖都好杰，充满骨胶原，鸡汤味超级香浓，重点系咁浓郁嘅汤油分却唔多，咁就点饮都唔怕肥啦😍 食火锅都可以滋补养颜💜
山海一盘
$588
309 浏览
1 赞好
0 留言
一睇到摆盘就知系打卡必备😏 今次冇三文鱼同北寄贝，改为墨鱼仔同巴沙鱼，鱼块腍滑仲要冇骨👍🏻 两只鲍鱼一样大大只，顶层嘅文蛤粒粒都好干净而且好甜。牛肩肥瘦适中，唔会太油腻亦唔会食落好韧。唯一美中不足系啲虾，好似唔够新鲜，食落虾肉唔够甜亦唔爽口。
鲍鱼
$108
142 浏览
0 赞好
0 留言
上枱后仲见到佢地喺度郁，够哂新鲜🤓 只需要渌1-2分钟就食得，太耐会太熟。今次渌咗两分钟左右，一咬就好腍，仲有啲啲爽爽地嘅感觉，一啲都唔韧，真系刚刚好👍🏻 新鲜嘅真系唔同啲🤤
企鹅丸（墨鱼浆制）
$59
72 浏览
0 赞好
0 留言
可爱嘅企鹅真系唔舍得食佢😆 粒丸咬落爽口弹牙，入面仲咬到一粒粒墨鱼肉，有多重口感，味道亦浓郁，食到唔系用粉整嘅😂
风味鸭肠
$58
99 浏览
0 赞好
0 留言
渌到有卷度就可以，食落有脆口感，又系一样好爽口嘅食物🤩
毛肚
$88
50 浏览
0 赞好
0 留言
只需要8秒就已经食得，唔洗渌咁耐，时间刚刚好嘅话就好爽口，大大片都唔怕韧👏🏻
时蔬拼盘
$138
56 浏览
0 赞好
0 留言
喜欢食蔬菜类嘅朋友可以点哩个拼盘，有齐多款瓜菜类。粟米萝白都好香甜，入面仲有紫薯同蕃薯，原本觉得食火锅渌蕃薯好似怪怪地咁，但咸味嘅汤底配埋蕃薯竟然更加甜，更突出咗蕃薯本身嘅香味👍🏻 火锅食咗咁多肉类，食返咁多款蔬菜就饮食均衡啦✌🏻
茉香奶绿
$27
85 浏览
0 赞好
0 留言
果然系我最爱嘅饮品，每次水准都保持到一样，冇令我失望👍🏻 习惯每次都系叫少甜，甜味就刚刚好，完全唔会俾甜味盖过一切。奶滑香浓，淡淡嘅茉莉花香加埋绿茶够清新，饮哂成杯都唔会太腻😋
🔍整体感觉：职员服务态度友善，主动提出帮我地加鸭血😆 两款汤底都系我地嘅必选，花胶鸡汤更系我嘅至爱💜 食物质素都保持得好好，每次食都系新鲜海产，鲜味不减🤤 茉香奶绿虽然系我最爱，但其他饮品其实都做得好有水准，大红袍珍珠奶茶同珍珠奶绿亦系我好喜欢嘅味道😋 以如此质素食物嚟讲，性价比好高👍🏻
张贴
