影片
更多
2023-10-23
383 浏览
终于完成咗件私人事，好开心要庆祝下，想食串烧，朋友仔就Book咗烧烤堂，佢话食过好食带我去食咁话～一于试下la！入到去餐厅原本以为自己烧，同埋会好大阵烧烤味，原来系专人烧，坐定定等食就得la，即叫即烧上枱热辣辣，我咩都想试叫咗好多串烧，上枱速度好快，店舖好窝心咁有串烧保温炉保持食物温度，慢慢食都得，唔惊d串烧冻哂～多款调味串烧，会系串烧纸列明串烧使用边款调味：「日、泰、港、川、西、新疆、台、韩、堂(自家产品)」方便拣选自己钟意食口味～🐥烧鸟：麻辣免治鸡肉软骨酿冬菇(川) $28/串胀卜卜酿冬菇，冬菇味好出，川式麻辣味唔会太辣，符合香港人口味盐烧原块鸡皮(堂) $22/串平时系街食开烧鸡皮都系细细块，依到系原块烧劲满足！鸡皮烧到超脆口！加上惹味辣粉劲邪恶！食完即刻再加单！黑松露烤鸡(堂) $28/串超推介！烧烤堂自家产品，满满黑松露酱+嫩满烤鸡肉，食落好香黑松露味仲有轻微芥辣味，辣辣地劲惹味！🐷烧豚：韩烧泡菜五花腩(韩) $28/串上枱有惊喜，真系同韩剧一样有一片蒜片系面，加上泡菜酱同烧到好香五花腩，入口豚脂味洋溢好juicy，再有香浓泡菜味，钟意韩式风味就一定要叫la 福冈味增松板猪(
入到去餐厅原本以为自己烧，同埋会好大阵烧烤味，原来系专人烧，坐定定等食就得la，即叫即烧上枱热辣辣，我咩都想试叫咗好多串烧，上枱速度好快，店舖好窝心咁有串烧保温炉保持食物温度，慢慢食都得，唔惊d串烧冻哂～
多款调味串烧，会系串烧纸列明串烧使用边款调味：「日、泰、港、川、西、新疆、台、韩、堂(自家产品)」方便拣选自己钟意食口味～
🐥烧鸟：
麻辣免治鸡肉软骨酿冬菇(川) $28/串
胀卜卜酿冬菇，冬菇味好出，川式麻辣味唔会太辣，符合香港人口味
盐烧原块鸡皮(堂) $22/串
平时系街食开烧鸡皮都系细细块，依到系原块烧劲满足！鸡皮烧到超脆口！加上惹味辣粉劲邪恶！食完即刻再加单！
黑松露烤鸡(堂) $28/串
超推介！烧烤堂自家产品，满满黑松露酱+嫩满烤鸡肉，食落好香黑松露味仲有轻微芥辣味，辣辣地劲惹味！
🐷烧豚：
韩烧泡菜五花腩(韩) $28/串
上枱有惊喜，真系同韩剧一样有一片蒜片系面，加上泡菜酱同烧到好香五花腩，入口豚脂味洋溢好juicy，再有香浓泡菜味，钟意韩式风味就一定要叫la
福冈味增松板猪(日) $28/串
日式风味串烧无浓/辣味调味，以味增腌制，用上优质松板猪烧制带出原肉味，猪肉同脂肪比例均匀，口感一流
🍢手工心机卷物：
牛油果豚肉卷(堂) $28/串
软绵绵口感，充满牛油果同豚肉香，面层大量沙律酱同紫菜条再增添味道同口感
海苔黑豚肉鹌鹑蛋(堂) $28/串
超钟意食鹌鹑蛋嘅Venus 即刻叫串试下，黑豚肉本身味道偏浓已经好好味，再加上鹌鹑蛋点会输
盐烧豚肉荔枝卷(日) $22/串
日式口味较著重以食材带出原味，简单用盐烧豚肉再加清新荔枝，多汁又香甜
盐烧豚肉芦笋卷(日) $32/串
烧芦笋已经好好味，再用豚肉包裹住再juicy d，咬开多汁、口感清新
麻辣豚肉韭菜花卷(川) $24/串
朋友超钟意食依串，又真系好入味，韭菜花烧得劲香加上麻辣味好开胃
🦐海鲜：
香蒜咸蛋黄烧虎虾(泰) $48/串
第一次食烧虾配咸蛋黄酱，原来都几夹，咸香加鲜美，成件事真系好泰式风味
香蒜咸蛋黄烧墨鱼滑(堂) $38/串
满泻咸香蛋黄加弹牙墨鱼滑，钟意食咸蛋黄就唔好错过
麻辣手钓墨鱼须(川) $22/串
虽然唔知手钓有咩关系？不过墨鱼须就超弹牙！麻辣味激正！
蒜蓉烧广岛蚝2只(日) $44/份
大大只广岛蚝，饱满鲜美，满口蒜蓉加creamy 蚝，烧烤必备la
川烧活元贝(川) 时价
今晚元贝$68/只，叫咗2只试下，虽然少贵不过元贝真系好新鲜！粉丝吸收哂麻辣香蒜精华好入味，庆祝日就食豪d d la
🍆野菜：
烧莴笋伴蟹膏(堂) $26/串
虽然卖相一般，但蟹膏好香好好食，莴笋都好爽脆
牛油蒜蓉焗金菇(日) $32/份
平时自己烧烤都一定会焗金菇，依到牛油同蒜蓉好足料，金菇入哂味好香
川烧蒜蓉茄子(川) $36/条
原条茄子上，大过我只手，外皮烧到香脆，内层铺满川辣酱、菜甫同香蒜，每啖茄肉都沾满酱汁，谂唔到唔叫理由？
🍍甜品：
蜜糖烧菠萝(港) $18/串
本身菠萝都好香甜，加上蜜糖再甜d，烧完更香口，一咬满口蜜糖加菠萝汁
🍸饮品：
青柠菠萝梳打 $32
食烧烤配杯梳打先正！青柠菠萝小清新配搭，解腻又解渴
冷泡白桃乌龙茶 $18
朋友叫咗依杯，试饮咗啖都唔错，清清地啱哂食烧烤
🎉优惠放送：
晚上11点后黑松露烤鸡 $1/串(每人限嗌2串)
烧烤堂
📍地址：铜锣湾登龙街28号永光中心3楼
张贴
