爭鮮外帶壽司 (好爵中心)

营业中

休息中

也许是因为价钱实惠地段方便既缘故，每次放工经过都好多人围住拣紧寿司。我当然就唔执输啦，每星期至少帮衬两至三次，买回家做晚餐。今日拣左三文鱼寿司、蟹柳寿司同炙烧三文鱼寿司:三文鱼寿司虽然都算切得几薄下，但呢个价钱，总冇可能期望佢厚切大大件挂！但纹理几靓，而且几新鲜亦好肥美，食10件都唔会厌，不错。蟹柳寿司长长既蟹柳舖系寿司饭上面，沙律酱系唧得有纹有路唔系乱黎。其实呢个都算系我最爱既争鲜寿司，沙律酱为佢加左唔少分，吊起左蟹柳既鲜甜。炙烧三文鱼寿司普普通通，纯粹觉得抵食，因平时呢个价系食唔到炙烧寿司。感觉为烧而烧，只系最最最最最面层有烧左既沙律酱味，完全烧唔到入去旧鱼生度，所以你依然会觉得自己系好似食紧鱼生咁。