Ground Zero (已結業)

楼上小店超高汁餐厅，呢间系我mark咗必去之一，终于夹到个时间飞上黎快食，大家都系斗快去到😅（位真系先到先有，毕竟座位真系有限）先黎碗汤，好饮，够哂浓。慢煮澳洲有骨猪鞍扒，168元，超级juicy，好大块，食得出本身扒已经系靓底，时间控制得好，唔会干。卡邦尼阔条面，108元，系正宗，无cream版，好浓味，烟肉超香，另外再即刨芝士，挂汁挂得非常均匀👍🏻espresso tonic，午餐另加20元，啡味足，tonic无抢。flat white ，另加10元，mixed豆，出嚟系夹，啡味一致，够香。个个店员好亲切，坐系吧枱位可以望到厨师，feel到佢哋煮系有团火，好有气势。而且每款餐送出𠮶阵个香气真系令人想返嚟再食其他，大虾、all day，仲有light menu。仲有我欣赏佢哋系要求干净，系基本但好重要，每次都睇一睇杯碟个种仔细👍🏻👍🏻👍🏻open kitchen系会净小小，但可接受。呢间餐厅系偏牛头角多啲，唔好观塘落车呀。