影片
更多
2015-08-20
18 浏览
话说6月头PR姐姐来电:「Luxe系iSquare开分店, 想请你哋去试食...」(Luxe未听过, 上网揾揾...哗!网民评价几乎达「明将」级数, 只系差篇潮文咋)之后「咁啱得咁桥」超爱食蚝的同事C对我说:「仁, iSquare有间任食蚝嘅自助餐, 超抵呀! $238咋, 不过无晒位, 要订到6月尾」(同事C个肚唔知咩构造,食Buffet可以队50只蚝, 吓死人)可能因为分店新开张太受欢迎, 结果试食活动由6月改到8月, 上星期我们怀著战战兢兢的心情一家三口去食Luxe.甫一坐下, 阿太对我说:「咁多人食, 应该质素都唔会太差, 如果唔系都无人嚟啦」(咁又系...咁出去攞嘢食啦)我总觉得有大厨「即直挥毫」一定最著数...这位师傅不单止要坚负切牛扒的使命, 更要炒奄列, 熟食师傅得他一人...辛苦死!!师傅炒出来的奄列并不Hea炒, 蛋内仍会流汁, 半熟炒蛋是最好不过的选择.至于同事C及我最关心的生蚝问题呢??哗!好好好大只呀! (系米我见识少, 只蚝真系似大过我部Note)这款日本蚝超大, 但又超咸, 我问师傅:「系米啲盐水洗唔干净呀?」师傅:「唔系呀!日本蚝系偏海水味, 不过食完会
话说6月头PR姐姐来电:「Luxe系iSquare开分店, 想请你哋去试食...」(Luxe未听过, 上网揾揾...哗!网民评价几乎达「明将」级数, 只系差篇潮文咋)
之后「咁啱得咁桥」超爱食蚝的同事C对我说:「仁, iSquare有间任食蚝嘅自助餐, 超抵呀! $238咋, 不过无晒位, 要订到6月尾」(同事C个肚唔知咩构造,食Buffet可以队50只蚝, 吓死人)
可能因为分店新开张太受欢迎, 结果试食活动由6月改到8月, 上星期我们怀著战战兢兢的心情一家三口去食Luxe.
甫一坐下, 阿太对我说:「咁多人食, 应该质素都唔会太差, 如果唔系都无人嚟啦」(咁又系...咁出去攞嘢食啦)
我总觉得有大厨「即直挥毫」一定最著数...这位师傅不单止要坚负切牛扒的使命, 更要炒奄列, 熟食师傅得他一人...辛苦死!!
师傅炒出来的奄列并不Hea炒, 蛋内仍会流汁, 半熟炒蛋是最好不过的选择.
至于同事C及我最关心的生蚝问题呢??哗!好好好大只呀! (系米我见识少, 只蚝真系似大过我部Note)
这款日本蚝超大, 但又超咸, 我问师傅:「系米啲盐水洗唔干净呀?」师傅:「唔系呀!日本蚝系偏海水味, 不过食完会有鲜蚝味留系个口入面」(我就麻麻地)
师傅:「你可以试下美国蚝吖,传统得嚟又Creamy, 不过我就钟意日本多啲」(嗱!终于似返D我平时食开𠮶啲...)
(点解你哋唔一早攞美国蚝出嚟嘅, 日本𠮶D咸到死), 师傅:「其实我哋一日去货几千只蚝, 所以一定唔会只入一个地方架,两种都成廿几蚊一只架」(老实讲美国蚝好食好多)
记得网民曾批评这里说:「蚝要问大厨先有, 其他嘢食攞完又唔添」, 今日则完全没有这个情况出现, 寿司, 三文鱼, 生蚝全部也补充得十分之高速.
咸食的卤水鸭, 鸡翼, 芝心丸其实也很不错, 阿太说:「刺身只系得三文鱼咋...」(其实, 今时今日$238, 可以系尖沙嘴食到Buffet,而且食物质素都算合格,
夫复何求)
橙汁任饮, 朱古力小蛋糕任食, 阿囝吃了两转整个肚也突了出来...(一问之下, 原来婆婆怕他肚饿, 6点给了他一碗面打底㖞...蚀底了小朋友)
我最爱西焗布甸, 我个人清了半盘, 热布甸我最爱加雪糕, 一冻一热进食, 人间美食...(如果Luxe加设雪糕供应就真系畀多一个赞佢...)
绿茶慕丝都可以推介, 今晚我们扫了6杯.
第一次吃自助餐的阿囝, 一提起找他帮手拿食物,相比叫他食还高兴, 生果, 三文鱼位置放得太高, 热食的保温盖又太重, 所以只可以找他添橙汁,
夹蛋糕.
不过, 事后我问囝今晚自助餐最开心是甚么, 他答:「"毕"豆腐花啰 (点解??),"毕"得好玩, 你唔觉得咩?」(你都"毕"晒, 我都无得"毕", 梗系唔知啦...)
虽然今餐是免费, 但即使付款, 一家三口也是$675.4 (连加一), 这样的价钱, 可以有16款咸食, 10款甜品, 4款生果切粒...还有刺身, 生蚝, 寿司任饮任食, 尖沙嘴区绝对无得输.张贴
