Brass Spoon (已易手)

星期六难得行星街、月街，晏就见人少少当然去试间米芝连越南嘢啦！等候时间大约5分钟，由于以前经过都排长龙，今次可能应该系个别事件。入到去铺头唔大，有啲逼。原来呢间铺嘅汤面除咗以牛汤为主外，就连𩠌都系牛，当然可以另加其他𩠌啦。最后叫咗烧猪肉檬粉。「烧猪肉檬粉」檬粉同其他方间越南餐厅嘅唔同，呢间嘅檬粉，比较爽同埋好咬口；而烧猪肉用薄片猪肉，而且烧到有焦香；檬粉捞埋其他材料，加少少「捞檬粉支汁」，已经够哂味。总结，如果钟意食牛又钟意食越南河嘅人，建议试试呢间米芝连；唔食牛都可以试下佢哋嘅烧猪肉檬粉，都唔错。