影片
更多
2023-04-23
385 浏览
今次经过留意到联和墟新开一间店，入面有好多种便当，仲要可以配捞乌冬，喜爱乌冬嘅我当然就即刻叫男朋友一齐买嚟试试，留意返以下嘅乌冬套餐都配有饮品架🫶🏻———————————————🌟台式煎鸡扒配乌冬 $58呢个鸡扒呢本身有四种汁可以拣，分别系烧汁、麻辣汁、咖喱汁同肉燥，我哋就拣咗烧汁去试试先。睇相你都已经见到其实佢发鸡扒真系好大块，同埋都煎得好嫩滑，旁边仲有鸡蛋同部份蔬菜配塔食中，蔬菜感觉系有加少少柚子沙律汁，食落都唔会好青。.🌟和风牛肉配乌冬 $48牛肉嘅份量都有五至六块左右，和风汁偏甜少少，呢边捞和风汁嘅乌冬就冇头先烧汁味道咁浓郁，面头有多少少甜洋葱做配料，旁边一样都有蔬菜配塔，整体味道都ok！.🌟盐酥鸡 $38 (跟餐半价）呢个盐酥鸡炸得好香口，份量好似有7-8件左右，味道唔会太咸。下午茶时间仲可以叫完小食加$20变主食tim！.🌟清新青柠柠檬茶 $20呢个跟餐可以加$10配，个樽仔好得意有埋逗点嘅品牌，味道比正常柠檬茶酸涩少少，饮落会有种好清新号感觉。.🔸整体评价🔸因为男朋友住呢头基本都大机会再食，一直都觉得呢边冇乜轻食之选，呢间口味同份量都非常啱我❤️不过如果男性嘅朋友仔想饱啲就
今次经过留意到联和墟新开一间店，入面有好多种便当，仲要可以配捞乌冬，喜爱乌冬嘅我当然就即刻叫男朋友一齐买嚟试试，留意返以下嘅乌冬套餐都配有饮品架🫶🏻
———————————————
🌟台式煎鸡扒配乌冬 $58
呢个鸡扒呢本身有四种汁可以拣，分别系烧汁、麻辣汁、咖喱汁同肉燥，我哋就拣咗烧汁去试试先。睇相你都已经见到其实佢发鸡扒真系好大块，同埋都煎得好嫩滑，旁边仲有鸡蛋同部份蔬菜配塔食中，蔬菜感觉系有加少少柚子沙律汁，食落都唔会好青。
.
🌟和风牛肉配乌冬 $48
牛肉嘅份量都有五至六块左右，和风汁偏甜少少，呢边捞和风汁嘅乌冬就冇头先烧汁味道咁浓郁，面头有多少少甜洋葱做配料，旁边一样都有蔬菜配塔，整体味道都ok！
.
🌟盐酥鸡 $38 (跟餐半价）
呢个盐酥鸡炸得好香口，份量好似有7-8件左右，味道唔会太咸。下午茶时间仲可以叫完小食加$20变主食tim！
.
🌟清新青柠柠檬茶 $20
呢个跟餐可以加$10配，个樽仔好得意有埋逗点嘅品牌，味道比正常柠檬茶酸涩少少，饮落会有种好清新号感觉。
.
🔸整体评价🔸
因为男朋友住呢头基本都大机会再食，一直都觉得呢边冇乜轻食之选，呢间口味同份量都非常啱我❤️不过如果男性嘅朋友仔想饱啲就要记得配饭喇！
张贴
