影片
更多
2022-05-23
2971 浏览
「土生花」都开左一段时间，一直都好想去但又迟迟都未去，一来就系价钱比较贵啦，二来就系见啲comment都几唔同，有赞有弹，所以都十五十六。之后有屋企人试完，话超级好味㖞，所以都系决定黎试下。「土生花」既menu都几多选择，如果唔想拣既话，就可以直接order tasting menu，另外佢地仲有afternoon tea set，钟意high tea既话都可以黎试下。餐厅既环境唔错，啲座位好阔落，枱同枱之间都有啲距离，唔会觉得逼，每枱客都有返一定既私稳度，都系fine dining既格局。送上每一碟菜式既时候职员都会做简单介绍，等客人可以了解下每道菜式。上菜既时间都安排得好好，会按返次序上菜，唔会话上左饭都未上前菜。先黎既系红菜头苹果沙律 Apple & Beetroot Salad，颜色非常丰富，视觉享受唔错。苹果同红菜头都好清新同鲜甜，系一道好适合既开胃菜。接住落黎系其中一道我最钟意既菜式 - 酥炸韩式豆腐三文治 Deep Fried Tofu Sandwich。豆腐外层炸到脆卜卜，入面就维持湿润嫩滑。豆腐夹住啲菇，真系成件三文治咁既样，好得意。依个成Fish & Chips咁既
餐厅既环境唔错，啲座位好阔落，枱同枱之间都有啲距离，唔会觉得逼，每枱客都有返一定既私稳度，都系fine dining既格局。送上每一碟菜式既时候职员都会做简单介绍，等客人可以了解下每道菜式。
上菜既时间都安排得好好，会按返次序上菜，唔会话上左饭都未上前菜。先黎既系红菜头苹果沙律 Apple & Beetroot Salad，颜色非常丰富，视觉享受唔错。苹果同红菜头都好清新同鲜甜，系一道好适合既开胃菜。
接住落黎系其中一道我最钟意既菜式 - 酥炸韩式豆腐三文治 Deep Fried Tofu Sandwich。豆腐外层炸到脆卜卜，入面就维持湿润嫩滑。豆腐夹住啲菇，真系成件三文治咁既样，好得意。
依个成Fish & Chips咁既样其实系人参天妇罗 Ginseng Tempura。食落去唔会太重参味，就算唔钟意食人参既都可以浅尝一下。
香煎韩国沙参 Grilled Deo Deok个样劲似韩国既烧五花腩，但依个就健康好多，仲唔洗伤害啲猪添！
杂菜辣炒年糕 Teok Bok Ki本来系街头少食，喺土生花卖到二百几蚊一碟，期望当然系异常咁高啦。平时既辣年糕主要得年糕、泡菜同鱼膏，咁土生花依个辣年糕既配菜就多好多，营养更加丰富。个汁唔算好辣，一般香港人都食到。虽然味道同卖相都唔错，不过用二百几蚊食一兜辣年糕都系有啲肉赤。
另一样要试既系韩国人成日食既炸酱面 Jajangmyeon。餐厅用左啲萝卜同薯仔等既蔬菜黎取代原先炸酱入面既肉，口感争左啲啲，如果用啲豆干之类扮返肉酱可能会更好。黑蚊蚊既酱睇落好似好浓味，但实际上有ok㖞！
食完炸酱面，又点少得蔬菜拌饭 Bibimbap呢。饭捞左啲姜黄粉，啲颜色睇落好靓，另外仲有劲多芽菜，如果系石锅拌饭有埋饭焦就perfect喇。
最后一道、亦系我最最最钟意既一道菜就系泡菜炒饭 Kimchi Fried Rice。睇落好似好简单，但真系好食到唔识形容！估唔到加左啲紫菜同麻油系可以令味道有几何级数既提升。之后返屋企有试过整，但始终整唔到佢果种味，唔知有啲咩秘方呢。
总括黎讲成餐既体验都唔错，计返人头每人$400左右，个个食到个肚涨卜卜，都算系咁啦！食完依餐令我记起喺首尔食既寺院素食，同样都系好吸引。喺可以去旅行之前，要试韩国素食，全港就只此一家喇。
张贴
