影片
更多
2022-09-09
584 浏览
母亲大人生日唔想出街食，于是揾左「枫素斋」到会。买够$800可免运费，不过我地订得唔多唔够$800，要自己去拎。自取地点喺火炭既工业邨，有啲隔涉，如果唔想腾黎腾去建议都系比多少少钱运人送上门。叫左3个热食同一个冷盘，佢地好贴心咁分开左两袋比我地拎，热食仲用左保温袋，拎到返屋企都仲温笠笠。太史素蛇羹落左好多唔同种类既菇同埋木耳，用黎扮蛇肉。个羹有少少甘味，同啲香草夹得好好，仲有啲炸到脆卜卜既云吞皮，绝对系有画龙点睛既效果。甜酸鸡肶仔系鲜腐竹包住枝雪条棍，面头再包一层腐皮，造型同鸡槌都几似架。甜酸酱做到好杰身，每只鸡肶仔都比浓浓既酱汁包裹住。腐竹有啲烟烟韧韧咁，都几有咬口。素烧卖既质素相对一般，卖相方面如果喺面加返少少萝卜碎会像真啲。唔知个馅系用新猪肉定其他素肉，整体口感比较粉，冇juicy既感觉。一路以为依啲菇系叫迷你鸡肶菇，原来佢系叫珍珠菇。冻食既感觉都几特别，啲卤水好入味，个菇又维持到爽脆既口感，唔会好稔，越食越想食。整体质素都唔错，会推介比有兴趣到会既人。
叫左3个热食同一个冷盘，佢地好贴心咁分开左两袋比我地拎，热食仲用左保温袋，拎到返屋企都仲温笠笠。
太史素蛇羹落左好多唔同种类既菇同埋木耳，用黎扮蛇肉。个羹有少少甘味，同啲香草夹得好好，仲有啲炸到脆卜卜既云吞皮，绝对系有画龙点睛既效果。
甜酸鸡肶仔系鲜腐竹包住枝雪条棍，面头再包一层腐皮，造型同鸡槌都几似架。甜酸酱做到好杰身，每只鸡肶仔都比浓浓既酱汁包裹住。腐竹有啲烟烟韧韧咁，都几有咬口。
素烧卖既质素相对一般，卖相方面如果喺面加返少少萝卜碎会像真啲。唔知个馅系用新猪肉定其他素肉，整体口感比较粉，冇juicy既感觉。
一路以为依啲菇系叫迷你鸡肶菇，原来佢系叫珍珠菇。冻食既感觉都几特别，啲卤水好入味，个菇又维持到爽脆既口感，唔会好稔，越食越想食。
整体质素都唔错，会推介比有兴趣到会既人。
张贴
