2DP (已結業)

好一段时间冇黎过2DP，上次黎系为左食佢既KFC素炸鸡，但今次黎已经冇左依样野食喇，个menu同店内装潢都有少少唔同左，唔知系咪转左手呢。铺头空间都比较少，我地被安排坐左喺吧枱隔离既二人枱，不幸既事稍后就发生左⋯⋯Um都系讲左食物先！鸡脾仔系来货野，薄薄既腐皮扮鸡皮，包住卷起左既鲜腐竹，面头洒左少少椒盐，就咁食都够味，加埋泰式辣酱又系另一番风味。Impossible肉碎牛肝菌扁意粉既卖相唔错，啲意粉都做到al dente，可惜impossible meat同牛肝菌既份量都太少，有少少呃称既感觉。蜜瓜刨冰本身系落牛奶，但都可以转豆奶变vegan。送到上黎个卖相有啲另人失望，首先系黑糖浆同蜜瓜既色唔多夹，第二就系蜜瓜唔够甜，可能就系因为咁要加糖浆，之前食过系唔洗加糖浆的。讲完食物可以讲不幸事件喇！话说我地坐喺吧枱隔离食到中途，店员安排左两个客人坐吧枱，结果餐饭既下半场我地都要近距离望住人地个pat pat食野，认真唔开胃⋯⋯个pat pat既距离近到一个点，我地连走都要叫个客人借过先出到去⋯⋯其实2DP既食物价钱都走中价路线，理应比个好啲既环境客人，希望佢地可以改善下啦。