影片
更多
2023-11-20
812 浏览
同太座庆祝周年纪念永远系大难题，要特别得黎好味，好味得黎要环境舒适，舒适得黎又要唔可以太贵，资料搜集一轮后终于拣左呢间，真心有惊喜！呢间餐厅主打8道菜Omakase全牛宴，法国菜同fusion都试过，有D真系又贵又唔饱，你要食好少少又要加钱，呢间就好均真，每位只系$780， 饮酒先另收费，任君喜好。以经理讲，我同太座食果个系餐厅啱啱11月先出新菜单，我当时都有少少担心，怕同之前网上搜集啲资料唔同出事，结果当然系无事，仲好满意。第一道菜就有惊喜，之前喺西环一间出名食牛骨髓嘅西餐厅食过骨髓，感觉好油同苏，但呢次将骨髓当牛油咁涂上面包食，面包松脆好赵口，配上「牛油」香真系极正，我当时真系想要求加面包 (不过高级餐厅，顾及形象，我冇咁做，亦唔知得唔得)第二道菜系嫩滑嘅生牛肉用左D醋捞腌过 (我估，应该系？)，好醒胃，雪茄外壳脆，两者配搭又系恰到好处，餐厅又特意用雪茄盒上菜，雪茄又配上雪茄指环，心思十足，造型满分，又系抵赞!第三道菜系朱古力牛面颊，牛面珠我之前中菜食过2次，又腍又嫩，梗系好味。佢呢度用朱古力煮嘅西式煮法，肉质当然都系又腍又嫩无得输，佢特别在我食落口之前系以为佢系甜，食入口原来系咸
呢间餐厅主打8道菜Omakase全牛宴，法国菜同fusion都试过，有D真系又贵又唔饱，你要食好少少又要加钱，呢间就好均真，每位只系$780， 饮酒先另收费，任君喜好。
以经理讲，我同太座食果个系餐厅啱啱11月先出新菜单，我当时都有少少担心，怕同之前网上搜集啲资料唔同出事，结果当然系无事，仲好满意。
第一道菜就有惊喜，之前喺西环一间出名食牛骨髓嘅西餐厅食过骨髓，感觉好油同苏，但呢次将骨髓当牛油咁涂上面包食，面包松脆好赵口，配上「牛油」香真系极正，我当时真系想要求加面包 (不过高级餐厅，顾及形象，我冇咁做，亦唔知得唔得)
第二道菜系嫩滑嘅生牛肉用左D醋捞腌过 (我估，应该系？)，好醒胃，雪茄外壳脆，两者配搭又系恰到好处，餐厅又特意用雪茄盒上菜，雪茄又配上雪茄指环，心思十足，造型满分，又系抵赞!
第三道菜系朱古力牛面颊，牛面珠我之前中菜食过2次，又腍又嫩，梗系好味。佢呢度用朱古力煮嘅西式煮法，肉质当然都系又腍又嫩无得输，佢特别在我食落口之前系以为佢系甜，食入口原来系咸，咬多几啖又会出朱古力味，不停颠覆我对呢道菜嘅预判。
第四道菜系Dry-aged 和牛舌芯，牛舌食过过百次，要煮得好食其实好难，煮得唔好或者果件牛舌唔靓好易又干又苏。呢件牛舌芯当然系成条牛舌最好味个位，个厨又煮得啱啱好，我哋加几滴柠檬汁点少少盐，用刀慢慢切细先放入口，咁样食好好咬口 (唔知关唔关Dry-aged过事)，我同太座都认为系我哋食过最好味嘅牛舌三甲 (包括日本食肆在内)
第五道牛肉清汤配云吞，自问我同太座饮惯屋企中式汤，餐厅嘅汤要赢得我哋欢心系好难，西汤/ 冻汤 (通常都系搅碎晒D食材)就更唔系我地至爱。呢个法式清汤唔系话惊天地 泣鬼神咁正，但就畀左我对西汤嘅一个新体验，意外系伴碟件云吞一啲都唔求其，仲好好味，我欣赏厨师呢份细致。
第六道菜就系打大佬 - 牛扒三重奏 ，当晚厨师发办安排左封门柳、M9朱古力和牛同埋28日干式熟成Prime级肉眼，份量十足。封门柳有几珍贵有几好味唔多讲；经理话朱古力和牛每日食2 KG朱古力，肥瘦适中，肉汁多而浓，都系好野黎；反而小弟想讲下件熟成左嘅肉眼，我第一次食熟成嘅牛扒，少少咸 (千祈唔好点盐），有啲似高级Parma Ham，但因为肉眼本身靓，咬入口系好爽好弹，送酒真系一流。另外，更想讲下D配菜，果件千层薯蓉同个菇，真系唔好唔食，成功在细节⋯⋯打完呢个大佬，我同太座已经饱到喉咙顶⋯⋯
点知，第七道菜仲有M9和牛煲仔饭，OMG！煮梗饭已闻到饭香，经理将和牛加入沙煲焗，香到呢⋯⋯再落鼓油焗饭焦，我同太座讲冇办法唔食，最多第日跑多几K ，食落口，正到呢⋯⋯最后我哋清晒成煲煲仔饭，失礼晒！(真系好耐无喺香港食过一个咁正嘅煲仔饭，仲要咁矜贵)
最后奉上蕃红花雪糕，完美句号，捧住个肚走，十分满意，十分满足！
手工面包配烤骨髓
8 浏览
0 赞好
0 留言
朱古力牛面颊
9 浏览
0 赞好
0 留言
Dry-aged和牛舌芯
8 浏览
1 赞好
0 留言
牛肉清汤配云吞
10 浏览
0 赞好
0 留言
牛扒三重奏
10 浏览
0 赞好
0 留言
M9和牛煲仔饭
9 浏览
0 赞好
0 留言
蕃红花雪糕
6 浏览
0 赞好
0 留言
题外话/补充资料：
老老实实，出去食一块靓啲嘅扒都600-800，食个tasting menu或者omakase冇1300＋都落唔到楼，呢度食物质素同份量都好好，咁嘅价钱，真系好有良心，性价比极高!
温馨提示：饭后同经理吹左几句，先知呢度唔原来每晚只做5枱客，贵精不贵多，真系好易爆，订枱趁早！
(以上食记乃用户个人意见 , 并不代表OpenRice之观点。)
张贴
