影片
更多
2022-10-11
814 浏览
上环位置一向都唔多韩国餐厅，而呢间系少有一间位置相对宽敞味道又唔错嘅韩国餐厅。餐厅本身已经开左超过30年，入面好多员工都系老员工。门口本身都有心设计过，有好多唔同嘅装饰品，而内部就类似太平餐馆果种怀旧风格，连员工衣著都系一样。如果您一大班人午餐，佢仲会安排包厢比您，不设最低消费，成个环境都非常舒适，好适合见客或一班人午餐聚会。———————————————🌟牛肋骨汤 $90 一般入面都会有两至三旧牛肋骨同萝卜，仲会配埋一只鸡蛋系面头。汤底味道调得岩岩好，煲出左牛嘅味道，再加上萝卜本身嘅甜味，再以大葱调味。而牛肉本身亦已经煲腍左，软烂醇香。重口味嘅朋友仲可以自行加盐调味，一样唔影响汤底本身嘅美味！.🌟炆牛骨煲 $118牛骨煲价钱相对比较贵，但用料上更多，味道亦相对浓厚。对比牛肋骨汤，呢个更注重牛肉本身肉质如何同埋调味足唔足，本身嘅汁就唔系以饮用为目的，所以味道都会比较重。牛骨炆得非常入味，食落口嘅时候亦都感觉到有满满嘅骨胶原。.🌟铁板烧牛肉 $105呢碟菜式相对比较普通，同正常韩国餐厅一样，牛肉调味偏甜少少，但份量上真系比足料，最啱同朋友仔Share嘅时候叫！.🌟韩式猪什汤 $90本人本
———————————————
🌟牛肋骨汤 $90
一般入面都会有两至三旧牛肋骨同萝卜，仲会配埋一只鸡蛋系面头。汤底味道调得岩岩好，煲出左牛嘅味道，再加上萝卜本身嘅甜味，再以大葱调味。而牛肉本身亦已经煲腍左，软烂醇香。重口味嘅朋友仲可以自行加盐调味，一样唔影响汤底本身嘅美味！
.
🌟炆牛骨煲 $118
牛骨煲价钱相对比较贵，但用料上更多，味道亦相对浓厚。对比牛肋骨汤，呢个更注重牛肉本身肉质如何同埋调味足唔足，本身嘅汁就唔系以饮用为目的，所以味道都会比较重。牛骨炆得非常入味，食落口嘅时候亦都感觉到有满满嘅骨胶原。
.
🌟铁板烧牛肉 $105
呢碟菜式相对比较普通，同正常韩国餐厅一样，牛肉调味偏甜少少，但份量上真系比足料，最啱同朋友仔Share嘅时候叫！
.
🌟韩式猪什汤 $90
本人本身唔系好喜猪肉，但呢个菜色系最受同事吹捧嘅一个菜色，其中一位同事相对崇尚韩流，去过好多次韩国食过好多唔同嘅韩国餐厅，而呢间嘅猪什汤佢一直都赞不绝口。用料足够，汤入面有原条血肠，唔算太辣但汤底浓厚，充满肉汁嘅味道，如果您本身都钟意饮猪什汤，一定唔可以错过梨花苑嘅韩式猪什汤。
.
🔶整体评价🔶
呢间餐厅食物质素其实一直都好好，如果大家系钟意食韩国菜我系十分推荐。不过呢几年服务确实系有所下降，前菜由无限任添变成只上一次，饭后水果亦都已经取消，而且楼面经常人手不足，可能要催好多次先会有食物。入面嘅员工好多都已经上年纪，加上佢地真系非常忙碌，大家可能都要有心理准备佢地嘅服务态度未必好好，同埋用餐时间间相对都可能要预多少少。
.
✨优惠小贴士✨
恒生信用卡可享9折优惠 (超抵😆）
.
🔸味道：8/10
🔸环境：7/10
🔸服务：5/10
🔸打卡指数：4/10
———————————————
🍽️梨花苑韩国料理
📍上环德辅道中247号德祐大厦1楼
1/F, 247 Des Voeux Rd C,, Sheung Wan
———————————————
👉🏻#hkchiller美食地图_上环
👉🏻#hkchiller午餐推介
👉🏻#hkchiller韩国菜
张贴
