荔香園冰室 (已結業)

本人一往钟意怀旧，呢间70年代风格嘅装修好啱我，任何位置都系打卡位🥰每一个角落都好用心布置，务求做出到香港嘅情怀😍而且食物质素同一般嘅冰室好唔同，怀旧得黎又加点创意。流心蛋牛肉菠萝包成个包都超足料，太阳蛋煎得好靓，切开黎蛋黄流晒出嚟，好吸晴，里面嘅牛肉大大片，口感嫩滑，加上厚切蕃茄好够fresh ，仲有芝士喺入面，好似食紧汉堡包咁，最惊喜系帮个包影咗一阵相，菠萝包嘅面仲系脆口嘅，反映出面包够哂新鲜😋卖相好吸引芝士流心厚西多士听个名就知吸引,西多士记住要趁热食，会有流心效果，芝士嘅咸香味好突出，加埋糖浆甜甜地食非常邪恶！瑞士巨髀芝士汁捞面瑞士巨髀同捞面系分开上，巨髀真系好大只，食落啖啖肉，好香好入味，瑞士汁好浓，肉质淋淋地，加上满满既芝士汁捞面，大满足🥰招牌红豆奶茶🧋呢杯系黎怀旧冰室必点既饮品，一上台觉得杯饮品色彩好分明，诚意之作，最特别既系饮品用左奶茶，出面红豆饮品剩系多数只有淡奶选择。第一啖饮落去已经觉得有好浓嘅奶茶味，同底部甜甜地嘅红豆味好夹，谂返起细个饮红豆冰嘅日子。龙凤柠乐 🍋港式冰室常见嘅饮品，除左柠檬，仲有一旧咸柑桔🍊，酸酸咸咸咁加上少少可乐甜味，味道层次比柠乐丰富👍