影片
更多
2019-05-04
450 浏览
约埋两位姨姨带小小猪去食半自助餐，就系咁依只小小猪又嚟问题少年上身，由出门口就问到去目的地「咩系半自助晚餐？」。哈哈哈...唔好问咁多，总之有得食大餐就得啦~Marbling系铜锣湾Fashion Work入面，整体上气氛都好好，有一种舒服闲适嘅感觉，仲可以选择室内或室外座位添~ 不过...我依啲怕热之人就当然系拣室内(有冷气食得更加舒服嘛)，职员都好细心，见到同行有小朋友，所以佢就安排左梳化位置，咁小小猪就可以舒舒服服食饱饱啦~一嚟到小小猪就急不及待想知有咩好食，半自助餐就即系任食前菜、沙律及甜品，然后就自选主菜同埋饮品，第一次接触嘅小小猪话好新奇，佢仲话唔理咁多，有得自己出去拎食物都已经够佢开心~ 前菜都好有好多种类，有好多款嘅唔同嘅沙律之外，仲有风干火腿、烟三文鱼、冻虾同埋青口~ 仲有五款芝士任食添~ 小小猪就开心密密食，佢真系来来回回都行左好几次，真系唔洗食主菜都饱晒啦~ 我都唔理咁多，先嚟开大餐先~ 先嚟一杯蘑菇汤，虽然就细杯左少少，不过都几好饮，入口好重蘑菇香而唔会感到好腻~ 我同小小猪嘅烤英国猪柳扒 - 佢个猪柳都几嫩滑，配埋苹果蓉同埋个焦糖
Marbling系铜锣湾Fashion Work入面，整体上气氛都好好，有一种舒服闲适嘅感觉，仲可以选择室内或室外座位添~
不过...我依啲怕热之人就当然系拣室内(有冷气食得更加舒服嘛)，职员都好细心，见到同行有小朋友，所以佢就安排左梳化位置，咁小小猪就可以舒舒服服食饱饱啦~
一嚟到小小猪就急不及待想知有咩好食，半自助餐就即系任食前菜、沙律及甜品，然后就自选主菜同埋饮品，第一次接触嘅小小猪话好新奇，佢仲话唔理咁多，有得自己出去拎食物都已经够佢开心~
前菜都好有好多种类，有好多款嘅唔同嘅沙律之外，仲有风干火腿、烟三文鱼、冻虾同埋青口~
仲有五款芝士任食添~
小小猪就开心密密食，佢真系来来回回都行左好几次，真系唔洗食主菜都饱晒啦~
我都唔理咁多，先嚟开大餐先~
先嚟一杯蘑菇汤，虽然就细杯左少少，不过都几好饮，入口好重蘑菇香而唔会感到好腻~
我同小小猪嘅烤英国猪柳扒 - 佢个猪柳都几嫩滑，配埋苹果蓉同埋个焦糖洋葱酱都真系好够味。不得不提那个焗薯蓉，真系好入味，小小猪仲同我抢食添~
Daddy嘅精选烧烤拼盘 - 牛扒同羊扒嘅肉味都好浓又够腍，煎带子同埋大虾又够惹味~
表姨嘅芝士焗龙虾带子配特级牛柳 - 龙虾面酿满芝士，单看卖相已经好吸引。龙虾肉肉质弹牙，入口又充满芝士。牛柳又系厚切，充满肉汁又够腍身~
姨姨嘅熟成黑安格斯特级肉眼 - 大大块肉眼好吸引，而且又充满丰富肉汁仲好够腍身呀~
明明说好的我同小小猪一人一半，到最后依只为食猪差唔多将一份餐食晒呀~
食饱饱正餐又嚟甜品时间，蛋糕、忌廉泡芙、北海道牛奶布丁同埋生果都有，而且职员都回得好快，所以想食边款都一定可以试到啦~
小小猪话个北海道牛奶布丁就最好食(咁我都觉得好味)，奶味香浓得嚟又滑滑，而且又唔甜，所以食两杯都唔会好过分呀....哈哈哈~
最后嚟埋杯餐饮，咁就真系够晒完美啦~
整体嚟讲，今次依个半自助晚餐嘅质素都唔错，食物都真系几够味(小小猪直头话有100分添)。另外都一定要提下职员哥哥嘅服务态度真系好好，除左成日帮我地斟水同换碟之外，见小小猪在场都会主动问要唔要饮暖水，真系系贴心呀！
张贴
