灘五郷

营业中

休息中

由于爷爷嫲嫲👴🏽👵🏻家住湾仔船街嘅关系，所以阿叔细细过就喺呢度蒲大，仲记得每次返去做完节，就最钟意同堂哥、堂细佬去附近嘅公园玩瀡滑梯，呢条滑梯唔讲得笑架，真心好高又好斜，宜家应该无乜边条可匹敌啰！🤣🤣🤣不过随著合和嘅收购，呢几年呢区嘅发展可以话面目全非，除咗已经有大型商场试业外，嚟紧合和酒店仲会年底开幕，当然附近都开咗唔少新餐厅，价钱大众化之余，选择亦够多，啱晒附近嘅上班一族。就好似今次阿叔去嘅呢间日式居酒屋，餐厅以暗黑风格为主，加上店外挂满日式灯笼，非常型格。呢度嘅午餐选择之多可以话系市面非常少见，一共16款嘅午市定食，海鲜丼饭、鳗鱼定食、串烧、和牛、炸鸡等，包罗万有，真心一个月日日嚟食都唔会厌呢！🐟滩五郷季节刺身丼定食 ($268)刺身盆铺满成碗饭，绝对系极丰富嘅海鲜丼！一碗有齐伊佐木、鲭鱼、鱿鱼、赤虾、碎葱吞拿鱼、三文鱼籽、赤身、中拖罗同海胆，款款新鲜，味道又鲜甜。随餐包埋前菜、渍物、蟹肉蟹籽茶碗蒸同面豉汤，值得一试呢架！