影片
更多
2022-07-10
756 浏览
家阵做餐厅真系一啲都唔易，除咗食物质素要够好，更要讲求卖相、食物打卡度。就好似呢间位于尖沙咀天文台围嘅一间新开居酒屋咁，呢度除咗食材全部每日产地直送外，店内多款菜式都系师傅自家制，卖相同出面居酒屋好唔同，真心欣赏佢哋嘅热诚，值得表扬一吓！ 🍱 鸟．姫二人御前刺身料理晚餐 ($898)，嚟得呢间食，阿叔首选只可喺呢度预订嘅二人御前刺身料理晚餐。单睇两层高嘅卖相、非常精致嘅摆盘，好似平时去食英式下午茶咁，阿叔见到都忍唔住哗哗声，9秒9要相机食先！ 成个餐极之丰富，总共分上、下两层，上层一大盘刺身，包括：蜜柑鲷、鲛鲽鱼、酱油赤身渍、油甘鱼、大拖罗、北海道海胆、带子、日本赤牡丹虾；下层则有多件寿司：中拖罗、油甘鱼、金雕、甜虾、赤身山芋蓉、岛池鱼配自家制XO 酱、紫菜帆立贝同埋葱吞拿鱼蓉多士，包你食得好满足！ 🐔 自家制⽉⾒免治鸡 ($58)，免治鸡棒相信好多居酒屋都有提供，不过呢款圆辘辘嘅造型都系第一次见。听店员介绍，原来出面食到的多数系供应商一早做好，但呢度就真系由师傅自家制，所以外型与别不同，而且口感更爽口弹牙。 🍢 阿波尾鸡串烧系列 ($148)，阿波尾鸡，属于日本德岛县嘅走地鸡，唔单止
🍱 鸟．姫二人御前刺身料理晚餐 ($898)，嚟得呢间食，阿叔首选只可喺呢度预订嘅二人御前刺身料理晚餐。单睇两层高嘅卖相、非常精致嘅摆盘，好似平时去食英式下午茶咁，阿叔见到都忍唔住哗哗声，9秒9要相机食先！
成个餐极之丰富，总共分上、下两层，上层一大盘刺身，包括：蜜柑鲷、鲛鲽鱼、酱油赤身渍、油甘鱼、大拖罗、北海道海胆、带子、日本赤牡丹虾；下层则有多件寿司：中拖罗、油甘鱼、金雕、甜虾、赤身山芋蓉、岛池鱼配自家制XO 酱、紫菜帆立贝同埋葱吞拿鱼蓉多士，包你食得好满足！
🐔 自家制⽉⾒免治鸡 ($58)，免治鸡棒相信好多居酒屋都有提供，不过呢款圆辘辘嘅造型都系第一次见。听店员介绍，原来出面食到的多数系供应商一早做好，但呢度就真系由师傅自家制，所以外型与别不同，而且口感更爽口弹牙。
🍢 阿波尾鸡串烧系列 ($148)，阿波尾鸡，属于日本德岛县嘅走地鸡，唔单止肉质富弹性，而且脂肪含量较低，肉味又够浓。呢个餐包有鸡翼、鸡皮、鸡软骨、鸡肾等5款串烧，畀你试多几个唔同部位。
🦀 烧甲罗蟹道乐 ($88)，店员会喺你面前即叫即烧，包保新鲜热辣辣，阿叔最钟意𠮶份超浓郁嘅蟹膏味，食完会好有罪恶感。
🍚 鸡白汤茶渍饭 ($116)，想食啲淀粉质? 可以嚟过茶渍饭，佢哋嘅鸡汤超鲜甜浓郁，几饱都有试吓，最钟意饮汤嘅阿叔真心推介！
☝🏽总结，呢间新开居酒屋嘅选择都几多样化，基本上佐酒小食、刺身、串烧、炸物、拉面、炒饭样样有齐，钟意饮酒人士更有多款日本清酒、梅酒、啤酒可拣，宜家每人食满$400，仲可加$108任饮啤酒添，真系可以饮饱食醉喇！
张贴
