峰 (已結業)

搬咗嚟太子之后, 不断咗区内觅食! 太子区嘅餐饮业不得不说系百花齐放! 今日又开心大发现咗一间相当有素质嘅日本餐厅, 位于花园街街尾嘅 - 峰。我觉得佢嘅小食做得好有水准, 而且选择亦多及价钱合理, 非常enjoy拣嘢食嘅过程。 特盛峰拉面 - 好香浓嘅拉面猪骨汤底, 面底硬度适中, 叉烧半肥半瘦, 而最感动到我嘅系半熟蛋! 半熟蛋嘅蛋白滑滑的, 蛋黄呈胶著状态, 像卤水的咸香味! 质素直头好过老铜嘅一兰拉面!火焰日本甜蕃薯 - 好有气势嘅甜蕃薯! 上菜时, 甜蕃薯面头个旧咸牛油会著哂火咁出场, 相当有范! 暖烘烘嘅咸牛油溶化且包围著甜甜嘅蕃薯, 又咸又甜, 但出奇地配合! 蕃薯口感厚实, 系非常好味嘅前菜! 不过两个人食就觉得有点太饱肚。炸薯丝沙律 - 进击的巨薯丝! 好大份! 香脆嘅炸薯丝份量相当多, 口感爽脆! 炸薯丝淋上沙律醋, 再配住芦笋、青瓜、蕃茄, 食落口"索索"声, 即刻中和咗炸薯丝嘅热气感! 几乎成个沙律都系我食嘅! 吞拿鱼薄脆 - 真系要弹起身讲句: 「好好味啊!!!!!!」吞拿鱼碎加上酸酸嘅蛋黄酱及芝士鱼子酱, 低层系一块脆口到爆嘅脆脆, 嗯.... 好