捌捌陸台式料理 (家樂坊)

营业中

休息中

民丰糯米糍出名好食之外, 仲出名大排长龙！有冇谂过唔使去荃湾、唔使排队都可以食到超人气民丰糯米糍？机会嚟喇🤩！旺角台式鸡煲放题店「捌捌陆」联乘荃湾人气糯米糍「民丰」, 推出鸡煲放题任饮任食套餐, 每位食客更送上人气开心果/芝麻糯米磁, 绝对系完美组合👏🏻！《豪华鸡煲火锅任食》鸡煲可以拣麻油鸡/三杯鸡/麻辣鸡, 我哋就拣咗三杯鸡。鸡煲份量都几大, 香气扑鼻, 鸡肉好入味, 九层搭提升鸡肉鲜味～ 食完鸡煲后, 可以叫店员另上汤底准备打边炉🍲～ 我哋拣咗药膳汤底, 以杞子、当归、红枣、姜片等养生中药材料熬煮成浓郁汤底, 益气补血、健脾暖胃！任食自助区有丸类、蔬菜等等火锅配料, 仲提供多款台式夜市特色小食, 有QQ地瓜球、酥炸花枝丸、盐酥鸡、黑糖地瓜条、台湾牛肉面、卤肉饭、台湾肠、甜不辣、卤牛肚、卤牛筋等等, 而特色甜品就有鲜奶炖桃胶、黑糖糍耙, 充满台湾味道🇹🇼～ 🥩肉类选择有好多, 有美国肥牛、美国牛板腱、猪梅花片、五花腩、羊卷肉、醉鸡件等等, 个人推介美国prime牛肩胛、美国prime牛三角小排, 脂肪分布均匀, 肉质软嫩, 质素唔错👍🏻！海鲜方面, 个人推介扇贝、海虾🦐, 真系大满足