六和冰室

营业中

休息中

【荃湾区】【六和冰室】自己都知自己性格上一直都好吸啲叔叔伯伯，国际通用，偏偏就唔系吸后生女，真系吹涨。今日又系被个叔父辈同事细猪哥约出嚟食饭吹水，次次都系咁。其实我个人最想嘅，当然系可以同女同事食饭，可惜时不利兮，唉。有时都几慨叹于自己嘅内在同外在都完全无办法吸引其他人，咁样讲其实几灰。换个角度谂，吸引到啲叔叔伯伯都起码 R 到水吹先，就好似今次特登走到入荃湾陪同事下午茶，都证明自己有人约先，虽然只系约去茶餐厅吹水。我就食 $55 嘅常餐「香煎牛扒公仔面」，佢特别嘅位系配菜系「樱花虾炒蛋」同「牛油丹麦多士」，食落都有啲特别，同平时就咁食牛乳炒蛋比就约略多咗些少鲜味咁，几得意。嘢饮我加 $3 饮「冻柠茶」走甜，味道系正常嘅。而细猪哥就叫 $54 嘅下午茶「公司三文治」，佢食唔晒畀咗件我食，质素唔差但价钱有啲贵，唔似下午茶公司治价钱。佢都系饮冻饮，加 $3 饮「冻奶茶」少少甜，见佢都饮晒应该唔差。张单佢攞咗去，埋单我系唔知几钱嘅。。。（地址：荃湾青山公路144-172号荃丰中心地下A80-84号舖）#1amfoodie #foodie #hkfoodie #thatfoodiething