川燒王

营业中

休息中

【荃湾区】【川烧王】凌晨时份喺荃湾揾嘢食，同得皮蛋哥一齐食嘢，食唔到好嘢嘅话佢会诈型，所以一定要小心选择。除咗周街都系嘅茶记之外，喺四陂坊仲隐藏咗一间川式串烧店，我睇佢个格局觉得可以试吓，就同皮蛋哥入去坐低。都几有内地细小食店嘅风情，有 feel。先试 $38 只「蒜蓉扇贝」，一人一只，面头啲粉丝索晒汁，蒜蓉味又重，配合埋本身嘅主角扇贝，成件事好正。跟住试 $15 嘅「韭菜」，一大捆咁样嚟，面头洒满辣粉，邪恶度爆晒表。试埋 $13 嘅「豆卜」，都烧得唔错，外面脆卜卜得嚟，里面唔会太硬。之后一人试一串 $35 嘅「惹味烧鸡子」，烧完好香，口感实在。最后试 $45 嘅「厚切牛舌心」，几好食嘅一款嚟。皮蛋哥饮 $13 罐嘅「加多宝」，我就饮 $16 枝嘅「竹蔗茅根」，啱啱好。咁样夹埋 $248，喺香港凌晨食串烧嚟讲，我觉得可以接受嘅。。。（地址：荃湾德海街18号富利达中心地下F2号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #food