豚本家 (已結業)

【荃湾区】【豚本家】呢晚同道歉哥去荃湾食嘢，因为我留意到地铁站对面个商场仔开咗间主打亲民价嘅日式定食餐厅「豚本家」，梗系要去试吓。入去见到店内环境都几宽敞舒适，充满和风嘅装修令我哋好似置身于日本咁呀，即刻叫嘢食先。呢度系用 QR Code 落单嘅，方便我呢啲不擅辞令嘅小毒毒。我叫咗个 $143 嘅「吉列猪柳定食」嚟试，当中有 $18 系将个饭转做「荞麦面(冷)」嘅费用嚟。不过事实证明我冇做错到，个荞麦面系几好食，我叫嘅系冻食嘅𠮶款。而主食嘅吉列猪柳好好食，个炸粉系日本食到𠮶只嚟，唔会话食到成口都系油，而猪柳本身都好正。个餐仲有茶碗蒸同面豉汤，成件事好完整呀。而道歉哥就试 $126 嘅「盐烧牛舌定食」，当中亦都有 $18 系转「乌冬(热)」嘅钱钱。佢个牛舌系自己烧，味道几好，我都偷咗啲嚟食，哈哈。佢仲加 $18 饮「波子汽水」，我就冇饮嘢，反而加 $28 叫咗份「一口炸豆腐」，有七粒，都几辣，中意辣嘅朋友会好中意。呢餐唔系我畀钱，好似加一之前系 $315 嘅。。。（地址：荃湾青山公路荃湾段210号富华中心商场2楼B号舖）