影片
更多
2023-04-13
42 浏览
之前认识嘅果间串里系食纸包鸡，点知今次过嚟已经摇身一变变咗一间居酒屋，入面嘅装修亦都好日系，有少少日式和室风格咁，墙上仲有唔同嘅装饰同图案可以比大家打卡。———————————————🌟时令生蚝 $15我本人食生蚝其实唔系好钟意食好大只果种，太大只有时会觉得腥味太重难以入口，但串里嘅呢个生蚝大细对我嚟讲真系啱啱好，基本上系成啖放入口就超满足，食落一啲都唔腥而且仲非常鲜甜，最重要嘅系只需要$15就已经可以有一只，平时自己买返嚟亲手开嘅都唔只，真系抵食到爆👍🏻.🌟木板海胆 $88呢度一板海胆净系需要$88，老实讲本身$88板我都唔会期望话要好多或者要好大只，所以份量上我觉得都同价钱相符，用紫菜包我哋大约包咗8小卷左右。但味道方面我认为系完全比期望值高，之前试过出面自己买几百蚊都系苦嘅，但今次呢板基本上成板都系好鲜甜，全部都入口即溶。.🌟特长烧馒鱼寿司 $30呢个特长烧馒鱼寿司第一眼睇我系觉得有少少失望，纯粹系觉得佢个样冇我想像中大份🤣不过其实食落都大份，我自己本身都影得唔好令到佢好似好幼咁，但其实真系食就会发现佢系有少少内卷咗，真系可以食到啖啖肉，钟意食馒鱼真系必叫！.🌟杂锦鱼生丼 $97
之前认识嘅果间串里系食纸包鸡，点知今次过嚟已经摇身一变变咗一间居酒屋，入面嘅装修亦都好日系，有少少日式和室风格咁，墙上仲有唔同嘅装饰同图案可以比大家打卡。
———————————————
🌟时令生蚝 $15
我本人食生蚝其实唔系好钟意食好大只果种，太大只有时会觉得腥味太重难以入口，但串里嘅呢个生蚝大细对我嚟讲真系啱啱好，基本上系成啖放入口就超满足，食落一啲都唔腥而且仲非常鲜甜，最重要嘅系只需要$15就已经可以有一只，平时自己买返嚟亲手开嘅都唔只，真系抵食到爆👍🏻
.
🌟木板海胆 $88
呢度一板海胆净系需要$88，老实讲本身$88板我都唔会期望话要好多或者要好大只，所以份量上我觉得都同价钱相符，用紫菜包我哋大约包咗8小卷左右。但味道方面我认为系完全比期望值高，之前试过出面自己买几百蚊都系苦嘅，但今次呢板基本上成板都系好鲜甜，全部都入口即溶。
.
🌟特长烧馒鱼寿司 $30
呢个特长烧馒鱼寿司第一眼睇我系觉得有少少失望，纯粹系觉得佢个样冇我想像中大份🤣不过其实食落都大份，我自己本身都影得唔好令到佢好似好幼咁，但其实真系食就会发现佢系有少少内卷咗，真系可以食到啖啖肉，钟意食馒鱼真系必叫！
.
🌟杂锦鱼生丼 $97
成个鱼生丼一共有8个𩠌，而且仲配送一碗面豉汤。大部份鱼生食落都唔错，刺身唔算话系好厚切但同价钱比都系属于性价比高。特别我想讲嘅系佢果个饭底，有少少紫苏叶香味，食落好特别有少少似平时出面特制嘅寿司咁，我个人系几钟意呢种味道的。
.
🌟鸡软骨串 $32
我见佢本身其实有好多串烧，不过因为已经叫得太多野食所以串烧净系叫咗一种，$32/2串价钱都唔贵，而且睇返份量其实其实比出面嘅串烧多少少，而且烧得好唔错食落非常香脆👍🏻
.
🔸整体评价🔸
基本上成个餐牌都唔贵，居酒屋嚟讲物超所值。下次再去我会试下叫烧蟹壳，睇落好似唔错仲有少少日本矶丸水产嘅感觉，令我都已经开始期望二访时又可以试更多性价比高美食🫶🏻
张贴
