一品香南北美食

营业中

休息中

【葵青区】【一品香南北美食】成日经过葵涌广场嘅地下，见到呢间嘢都一直想食吓佢。机会唔系时时有，讲吓讲吓都讲咗好多年，谂吓谂吓直头冇埋个 idea。所以呢一次见自己有啲肚饿，喺呢头揾紧嘢食嘅时候，就的起心肝走入去坐低叫嘢食嚟满足自己长久以来嘅欲望同埋个饱足感。我以为得散叫，点知原来有套餐。用 $67 叫咗「推荐套餐」里面嘅其中一款，主食系「担担云吞面」，可以拣唔辣我就唔辣啦，食落又正正常常，冇坊间啲人讲得咁难食。不过可能以前佢哋水准曾经好高，食到啲人挑剔咗，咁我都唔排除佢系曾经退步过嘅。个餐仲有「小笼包」四只，个肉馅都 okay 嘅，呢个价钱系呢个水准㗎喇，个餐仲配埋「鲜豆浆」，算系咁㗎喇。我自己另外再加 $8 要多只「鲜肉锅贴」，个馅同小笼包其实好接近甚至似系一样。再加多杯「鲜豆浆」之下，其实我已经唔记得几多钱埋单。。。（地址：葵芳葵富路7-11号葵涌广场地下A08号舖）#1amfoodie #foodie #hkfoodie #hkfood #food #foodporn #instafood #followforfollowback #foodstagram #foodiesof