新潮興牛雜粉麵檔

营业中

休息中

【葵青区】【新潮兴粉面餐厅】近排写葵青都系青衣，今次过对岸写吓葵芳。近排葵涌广场好似因租金问题变到冇以前咁旺咁，不过从来呢个商场都好似不死咁，变极都系呢个样。只系佢里面间咗出嚟𠮶啲细舖好似就真系十室九空咁，情况唔系好乐观。之但系今日唔系想同大家讲葵广，而系佢对面葵芳汇嘅一间餐厅。呢个商场新开，但都好似新咗十年八年，地舖有啲小食店，仲有间粉面店。我去到呢间粉面店嘅时候，佢都好似已经改咗一次名，之前好似系叫牛杂粉面。咁我入去就食碗 $70 嘅「牛坑腩牛杂粗面」，点解咁鬼贵我相信系同我跟咗牛坑腩有关，碗面一上无啦啦有只三色猫走嚟同我争食，劲好笑，佢劲为食，完全唔怕丑咁冲出嚟，店员就抱返佢入厨房。不过，碗嘢唔系话好特别。佢啲坑腩唔算大块，发挥唔晒啲肉香，而啲牛杂亦都好普通，难怪餐厅名都冇咗牛杂二字。饮品我饮「冻柠茶走甜」，都几大杯，唔错。之后叫碗 $48 嘅「净紫菜四宝」，有墨鱼丸、鱼皮饺、香菇贡丸同猪肉丸每款各两粒。味道上，佢又唔算好特别，都系普普通通咁。要埋 $14 嘅「秘制鲜炸鱼皮」，有另上一碗汤够诚意，鱼皮都炸得几好，系满意嘅。成餐夹埋 $132，不过不失，有猫有分加。另外佢叫潮州 T