羅麥記 (青衣城1) (已結業)

【葵青区】【罗麦记】去完台湾返香港，搭机场快线期间有啲肚饿，咁就喺青衣站落车睇吓有咩食。呢个时候我就记得我曾经喺好耐之前想食呢间罗麦记，但系被青衣城丰泽一个老女人收银员耽误咗我接近一个钟。虽然我都为佢送上咗一封几百字投诉信，但系啲时间都畀唔返我。隔咗咁耐嘅呢一刻，呢间罗麦记居然仲喺度生存紧。咁既然有呢个机会，我就当然要好好把握啦。入到去发现佢系玩港式情怀嘅，贴咗好多香港电影角色嘅画作喺度，几好。而食物方面亦都有好多港式食物，我唔想当佢普通茶记咁处理，就食铁板扒餐啦。叫咗 $118 嘅「罗麦杂扒餐」，有猪扒、牛扒、鸡扒、司华力肠、烟肉、薯条，配埋餐汤同餐饮。个餐都几大份，食到我都非常之饱，睇开我嘅读者都知我都好少讲餐厅食物份量系多嘅，今次呢间就系喇。味道方面就还可以啦，呢个价有咁大份都唔要求啲乜。餐饮我配热「香滑奶茶」，味道以茶餐厅嚟讲都算中上，唔错。坐咗阵，落一落格，就用第二个胃食埋 $48 嘅「火车头雪糕」，用 Oreo 夹住三色雪糕加条朱古力蛋卷，唔错。佢哋讲到系七十年代小朋友最期待嘅甜品，我𠮶阵年纪大唔知。埋单 $166，唔算贵。。。（地址：青衣青敬路31-33号青衣城一 2楼2