雲米家

营业中

休息中

【葵青区】【云米家】呢排同上司嘅上司膻卤狮多咗合作工作机会，自然都多咗一齐食饭嘅机会啦。嚟到葵涌呢个远离地铁站嘅地区揾食，实有啲隐世好嘢。好多年前我都系喺呢头返 internship，硬件上好多嘢都冇乜点变，感慨万千。不过嘢都系要食嘅，我哋就决定试呢间米线。佢试 $60 嘅「过桥红薯粉」，有鲜鸡、鹌鹑蛋、鲜肉片、云耳、腐竹、芫茜、葱花、芽菜，配以大大碗红薯粉同埋小辣汤底，我系会以「秒清」嚟形容，好似真系好好食咁。我试唔辣嘅「杞子虫草花鸡米线」，都真系唔错，足料得嚟啲鸡好香好滑，抵食。小食我哋试咗各 $50 嘅「麻辣蒜泥白肉」同「麻辣牛柏叶」，前者辣得嚟蒜味好香，后者亦整到索晒汁入晒味，正。嘢饮方面我地都系加 $10 要台式饮品，我饮「朱古力胚芽」，佢就饮「百香果绿茶」加珍珠，我觉得都可以嘅。埋单 $240，劲多嘢食，劲饱。。。（地址：葵涌青山公路 - 葵涌段438号名德大楼地下H号舖）#1amfoodie #foodie #hkfoodie #hkfood #food #foodporn #instafood #followforfollowback #foodstagram #fo