Simplylife Bakery Cafe (已結業)

【葵青区】【Simplylife Bakery Cafe】同朋友嚟葵芳食饭，其实都唔知食乜好，谂咗好多间都好似唔系好啱食咁。咁就不如回归本源，简简单单食返啲集团式经营嘅嘢算。呢间属于美心集团嘅西餐不嬲都系稳阵嘅，而佢哋嘅果茶亦都系啲我唔需要多谂就会点嘅嘢。我哋入到去都系食晚餐嘅，而加 $38 系可以「令晚餐更圆满」，其实就即系套餐啦。除咗我哋都饮嘅「本季限定冰茶」叫咗做餐饮之外，仲可以拣「沙律」或「是日餐汤」，我哋觉得两者都系唔错嘅选择，做前菜开吓胃咁。另外仲有「餐包」供应，始终呢度有自己做面包，质素系有保证。朋友食 $138 嘅「慢煮牛猪肉碎手制阔条面」，睇个样都几大碟几惹味。我偷咗几条嚟食，觉得同一般喺餐厅食到嘅肉酱意粉冇乜分别，只系佢个面好食啲。我就食 $248 嘅「加拿大天然猪鞍架」配奶油瓜蓉、烧青黄瓜、牛油松子，猪味几够，好香，几好食。而呢餐饭加埋一之后嘅埋单价系 $508.2，又好似有啲唔值咁嘅价钱。可能我将餐饭嘅重点放咗喺餐包同冰茶度，得呢两样抵。。。（地址：葵芳兴芳路223号新都会广场5楼547-565号舖）#1amfoodie #foodie #hkfoodie #h