影片
更多
2023-05-27
2018 浏览
【被惊艳到🌟 甜品超惊喜、有水准！闺蜜聚会之选👯♀️】推荐程度：●●●●◐抵食程度：●●●●○———环境好舒服，适合同朋友嚟聚会、倾偈❤️ 整体甜食比咸食出色，好食嘅程度系：专登嚟食甜品都值得🥺✨ 🌟 〈推荐〉开心果巴斯克软心蛋糕｜$68暂时食过最好食嘅开心果味basque⁉️ 入口慢慢化开，好似食紧雪糕咁细滑✨ 种creamy唔会太腻，唔会浆住喺口！开心果味系后继先会散发，其后成个口腔都充斥住浓郁果仁味🤤 整体唔太甜，而且比一般件装蛋糕大块旧，CP值完胜💯🌟 〈推荐〉黑芝麻麻糬卷蛋｜$62麻糬软糯，chewy得嚟唔会檫子胶咁，好软身、软熟🙌🏻 卷蛋好软熟，回弹力唔错，而且湿润度适中，唔干✨ 加埋黑芝麻酱成件事味劲浓厚、出众！同行朋友系黑芝麻爱好者，都表示好浓稠、好满意🥰 唯独系卷蛋嚟讲价钱偏贵少少🤏🏻 只可以话千金难买心头好了🤣 🥗 香芒柚子大虾沙律(和风柚子汁)｜$128芒果香甜；大虾肉质弹牙；连埋菜底同酱汁食非常清新、开胃✨ 另外仲有个秘制芒果酱，希望下次有机会试埋🤤🍝 青酱鸡肉扁意粉｜$108鸡肉嫩身唔鞋口，份量比预期中多👍🏻 意粉生熟度系正中红心：刚刚好熟、咬落冇骨唔硬，而且有啲
推荐程度：●●●●◐
抵食程度：●●●●○
———
环境好舒服，适合同朋友嚟聚会、倾偈❤️ 整体甜食比咸食出色，好食嘅程度系：专登嚟食甜品都值得🥺✨ 
🌟 〈推荐〉开心果巴斯克软心蛋糕｜$68暂时食过最好食嘅开心果味basque⁉️ 入口慢慢化开，好似食紧雪糕咁细滑✨ 种creamy唔会太腻，唔会浆住喺口！开心果味系后继先会散发，其后成个口腔都充斥住浓郁果仁味🤤 整体唔太甜，而且比一般件装蛋糕大块旧，CP值完胜💯
🌟 〈推荐〉黑芝麻麻糬卷蛋｜$62麻糬软糯，chewy得嚟唔会檫子胶咁，好软身、软熟🙌🏻 卷蛋好软熟，回弹力唔错，而且湿润度适中，唔干✨ 加埋黑芝麻酱成件事味劲浓厚、出众！同行朋友系黑芝麻爱好者，都表示好浓稠、好满意🥰 唯独系卷蛋嚟讲价钱偏贵少少🤏🏻 只可以话千金难买心头好了🤣
🥗 香芒柚子大虾沙律(和风柚子汁)｜$128芒果香甜；大虾肉质弹牙；连埋菜底同酱汁食非常清新、开胃✨ 另外仲有个秘制芒果酱，希望下次有机会试埋🤤
🍝 青酱鸡肉扁意粉｜$108鸡肉嫩身唔鞋口，份量比预期中多👍🏻 意粉生熟度系正中红心：刚刚好熟、咬落冇骨唔硬，而且有啲咀嚼感同带爽弹感💯 酱料味道同份量都拿捏得好好，食到最后都有酱料拌食🥰 菜款上唔特别，但细节位做得唔错，所以值得一试✨
🥯 烟三文鱼牛油果炒蛋贝果｜$118其实店员都有提醒我哋要尽快享用，不过我哋都挂住影相，耽误咗少少时间🤏🏻 但以往食过就算摊凉咗嘅bagel，都唔系韧到齿唔开🥺 不论系面头/垫底𠮶块贝果，都系超级韧🥺 馅料系好足，但太多馅同时令bagel冇办法一啖品尝晒咁多层，最终都系要分层食～ 整个体验都一般，所以呢款个人唔太推荐🙏🏻
🧊 Passion Fruit Mint Soda｜$60叫咗少甜，所以唔算太甜🙌🏻 热情果味好香，垄断咗个嗅觉同味觉，所以饮唔出仲有咩水果😛 整体系小清新、微甜，好似恋爱咁(笑)💖
张贴
