小神燈新派飯館 (已結業)

【西贡区】【小神灯新派饭馆】经过呢头都好几次，但系一直都冇机会入去食嘢，今次终于的起心肝、鼓起勇气入去食嘢。一向存在感都极低嘅我，见到系 QR Code 落单就心情舒畅，但系饮茶嚟讲冇人帮手开茶位都系证明到我确实系存在感低，唔系乱吹。仲睇紧 menu 时突然进入下午茶时段，搅到我都措手不及，不过重新快速拟定作战方略都系我嘅强项嚟。所以各 $13.8 嘅「经典鱼翅饺」同「家乡咸水角」就系因此而叫嘅嘢，味道正常但几抵食，十零蚊碟点心仲去边度揾呀。之后到 $28 嘅「怀旧棉花鸡」，近年鸡扎少咗落鱼肚之后唔错嘅替代选择，好味。而 $29 嘅「小神灯虾饺」就好普通，可叫可不叫。仲叫咗 $29 嘅「怀旧瑶柱灌汤饺」，呢个要自己饮茶先敢叫，费事要人夹钱，味道都可以嘅。跟住 $25 嘅「怀旧麻蓉包」都系近年少咗茶楼整嘅点心嚟，几好。下午茶茶位 $10 一位，我叫咗寿眉，好饮。呢度系有加一嘅，不过由于系下午茶时段，我一条友食咁多嘢都只系 $164 落楼，我觉得一啲都唔贵呀，几抵添。。。（地址：将军澳调景岭彩明街1号彩明商场2楼251-252号舖）#1amfoodie #foodie #hkfoodie