影片
更多
2023-05-05
675 浏览
【西贡区】【Fifty Fifty】之前因为成日入将军澳做义工，所以都会喺𠮶边食吓嘢。之不过因为疫情关系，个 project 停咗，我亦都少咗好多机会入去。据我所知，我几中意食嘅 Say Cheese 都执埋笠，其实我都真系唔系好熟将军澳，迟啲有机会等大家指教。咁今次嚟嘅呢间精品咖啡店正正就系喺 UNY 里面，佢个名叫「Fifty Fifty」。我第一时间谂起十几年前红极一时嘅「Millionaire」电视节目，香港亦都有「百万富翁」，一度拯救咗陈启泰同埋亚洲电视，都几犀利，我知外国仲有玩但系香港已经冇。其实「Millionaire」𠮶种模式简单易明，无线之后买咗几款问答游戏都红唔过佢就知，亚视仲出过一个叫「知识就是力量」嘅青少年版，不过算啦都系。三年前啲阿根廷朋友话我听佢哋𠮶边仲有电视节目做紧，仲展示咗一题我都识嘅题目，搞笑。咁呢间 Fifty Fifty 个名又系咩意思呢？我就唔知嘅，不过拎啲资讯估吓先，我就摷到佢就除咗有卖啲精品咖啡之外，仲有全新创意口味嘅「牛角包窝夫」。唔好问我住，我就真系唔知咩嚟，我都想知系咪就系 50% 嘅牛角包配上 50% 嘅窝夫。睇到呢度我都知冇理由咁单
咁今次嚟嘅呢间精品咖啡店正正就系喺 UNY 里面，佢个名叫「Fifty Fifty」。我第一时间谂起十几年前红极一时嘅「Millionaire」电视节目，香港亦都有「百万富翁」，一度拯救咗陈启泰同埋亚洲电视，都几犀利，我知外国仲有玩但系香港已经冇。
其实「Millionaire」𠮶种模式简单易明，无线之后买咗几款问答游戏都红唔过佢就知，亚视仲出过一个叫「知识就是力量」嘅青少年版，不过算啦都系。三年前啲阿根廷朋友话我听佢哋𠮶边仲有电视节目做紧，仲展示咗一题我都识嘅题目，搞笑。
咁呢间 Fifty Fifty 个名又系咩意思呢？我就唔知嘅，不过拎啲资讯估吓先，我就摷到佢就除咗有卖啲精品咖啡之外，仲有全新创意口味嘅「牛角包窝夫」。唔好问我住，我就真系唔知咩嚟，我都想知系咪就系 50% 嘅牛角包配上 50% 嘅窝夫。
睇到呢度我都知冇理由咁单调嘅，果然系有得拣味，例如「港式奶酱」、「抹茶红豆」、「柚子蜜糖」同埋「斑兰咖央」、「奶皇紫薯」味，后两者仲系期间限定咁话。呢样咁 signature 嘅嘢当然要试，不过我系同朋友一齐去，梗系佢拣味先。
朋友食「斑兰咖央牛角包窝夫」，价钱 $34，我偷咗一啖，喂系几好食㖞。反而我件 $38 嘅「奥利奥焦糖脆饼牛角包窝夫」我觉得个味平庸咗啲，周围都食到咁。其实佢食落系牛角包嚟，不过整到个样好似窝夫咁，系几得意，我觉得一试无妨。
饮品方面，呢度主打咖啡，分咗三大类，分别系咖啡、手打拿铁，同埋气泡咖啡。经过店员详尽嘅介绍，我哋都系叫气泡咖啡。我朋友饮嘅「玫瑰荔枝气泡咖啡」，佢未系好惯饮有汽嘅咖啡，唔系咁推荐，我𠮶杯「蝶豆椰子气泡咖啡」就反而唔系好饮到咖啡以外嘅味咁。
两杯气泡咖啡都系 $42，我哋都唔系好惯呢啲咁特别嘅有汽饮法，不过见其他人饮热饮个样系 okay。店内仲见到店员喺度炒咖啡豆，今日系用云南嘅咖啡豆。听讲仲可以自订个人化嘅咖啡豆，更定期举办工作坊，专人睇住混豆以至烘焙嘅过程。
趁呢个机会行埋 UNY 生活创库，朋友话呢个位之前系百佳，我冇乜点听，反而回味紧究竟点样写呢篇嘢。所谓「一念天堂，一念地狱」，我就真系处于 fifty fifty 嘅情况，再经过一次舖头嘅时候竟然仲有冲动想再坐低试埋佢热嘅咖啡，不过都系下次先啦。
特别多谢相识（就快）十六年朋友今日嘅陪伴，大家都面对不同嘅困难，只系幼稚嘅我真系唔识点处理。另外都顺便祝埋呢位朋友过几日嘅生日快乐，我未有时间去好好庆祝，不过我会尽快安排。总之就系感激啦，长气得嚟又尽在不言中咁。。。
（地址：将军澳欣景路8号MCP CENTRAL (新都城中心2期) UNY 生活创库 20 号店）
#1amfoodie #foodie #hkfoodie #thatfoodiething #food #instafood #1ambackup #1am0502 #globaleats #tastyfood #foodpics #followforfollowback #love #eat #1am西贡区 #将军澳 #fiftyfifty #coffeeshop #thecuptheiron #brewandchew #coffee #coffeeaddict #牛角包窝夫 #咖啡 #斑兰咖央牛角包窝夫 #奥利奥焦糖脆饼牛角包窝夫 #咖啡店 #玫瑰荔枝气泡咖啡 #蝶豆椰子气泡咖啡 #气泡咖啡
36 浏览
0 赞好
0 留言
张贴
