皇廷工房點心專門店 (已結業)

去完outlet，无乜时间净，事旦揾间食，误打误撞嚟左呢间食点心。都算系多嘢食，而且好平下，如果外卖两个饭都系40元，月尾之选！环境算系企理，新开无耐，干净，幅画都几特别。我地四个叫咗一个套餐，再散叫小食。煎蛋牛肉饭，牛肉系牛肉球嘅牛肉，蒸得好淋，蛋汁落埋去都正！佢本身个饭已经有豉油，可以先食一啖先决定再落唔落鼓油。拍青瓜，好爽口，唔系淋左好耐个种青瓜，解辣系几好。烧卖大大粒，而且涵都足料，上枱个阵我地太大意，其实系好热！流沙包，系真系流沙，又系好热，好好味！叉烧肠，唔错，唔算厚皮，都唔错。鸡翼米线只鸡翼就差小小，油左小小，米线份量都多嘅，我地每人都起码分到一碗。红油抄手够麻辣，连食得辣嘅同事表示几辣下。咸水角都几好，唔错，几好味。整体服务都不错，嘢食同茶都ok。