川味坊 (中海日升中心) (已結業)

一个星期下雨，真系唔想行太远，呢间都算系我地嘅饭堂。当佢刚刚开铺个阵，我地话终于有间唔错，一落去即攞位。我地叫亲都系午餐嘅A或C，猪扒酸辣捞米线或者口水鸡，呢两个真系好好味。酸辣两者都配合得好好，无抢大家，唔够汁可以再叫。每啖都好味，有小小麻，但又唔会好过份。猪扒又够，再加上配菜嘅香，真系好开胃，同事次次都清得哂。今次我突破肓肠，叫咗台式肉燥鸡扒饭。佢嘅台燥唔会好咸，对我黎讲刚刚好。鸡扒煎得几好，有时我想食得淡口啲但又好饿，而酸辣米线个个会比较浓味，睇下你个阵个mood想食咩啦。服务仲差小小，上饮品仍有漏单，但比起刚开业，已经有进步。