名人飯堂 (已結業)

是日下大雨，揾间近近嘅餐厅食饭，好想食茶餐厅，就食呢间啦。间饭堂都大㖞，坐到都几多人，4嘅倍数嘅人系最啱。两个系繁忙嘅时候要坐一边，面斥不雅（谂起黄子华栋笃笑）。睇定餐牌就叫啦，好多款式可以拣，好多都想食。朋友叫咗沙牛，佢话好好味，劲够味。佢大赞餐包上个阵系热，松松的，加埋厚厚嘅牛油系一流。另外一位友人系喇沙肥牛赞岐乌冬，够哂辣，但又唔会抢其他料嘅味道，劲开胃。我呢个系黑椒牛意，炒得劲均匀，食落系好入味，唔会好油溢，牛肉刚刚好，唔会老咗，难得够佬味。估唔到一间装修唔错嘅茶记，够火喉，完全唔贵，绝对可以encore！