Home Court Cafe & Bar (已結業)

平时系呢度跑步跑得多，今次lunch嚟到呢头，沿住海边行下，都有一啲嘢食嘅。呢间Home count都系珠记冰室分店之一（可以睇番某社交平台），两只狗狗有时都会巡舖，希望有机会见到啦。好耐之前同朋友黎过食上手铺，印象中系贵得好普通，今次珠记又睇睇。价钱系比原铺贵啲，识食紧系食个自由午餐啦，要吉列鱼扒饭扭扭粉，同埋指定要「厦门」汁。蛋系半熟蛋，会漏蛋汁，好耐无食，正！鱼扒算大，面粉唔厚，都可以接受。初初以为红菜头x茄汁会有伏，出黎又出奇地好食同挂汁㖞，好味！88元，有一个汤同饮品，汤都唔错，南瓜，唔稀。饮品正常。