美人鍋 (已結業)

朋友说一星期要揾啲嘢去刺激下，咁样工作先有意思。揾左星期五去打边炉，一定系happy friday。我地都喜欢一人一锅嘅概念，自己的锅自私食（当然会系点唔同𩠌开心些牙）。作为消费者我地深深明白午饭系最抵食，午市套餐有一款肉、五色蔬菜盛合、一款饭面和任饮。呢个任饮区系好开心，除左有平时见嘅饮品，最特别系有健康蔬菜汁，有pink lemonade, detox green tea等。仲有面豉汤，自行落配料。酱料款款都想要，全部都好特别。有啲人会打边炉，亦有人拣丼，坐得舒服，而且都有距离，唔会话太逼。上菜啦，隔离位嘅系骨胶原汤，要饭，饭加落去汤，吸左精华都唔系普通嘅「汤饭」。我就点左寿喜烧汤，个汤底好甜，基本上唔驶点酱汁。我睇少个蔬菜盛，食极都有，食左好耐都未打得肉，而且系好好味！豚肉系高质，仲有一份系肉滑，正！依家有8折，即刻抵食。