豐味窯雞

营业中

休息中

呢间真系食过返寻味🤤！今次经过观塘, 提早订咗全只窑鸡拎返屋企俾屋企人试吓！佢哋只做外卖, 窑鸡系每日新鲜制作, 限量供应, 记住要提早预订啊～窑鸡用两层锡纸包住, 再放入保温袋, 拎到返屋企(约半小时)仲系热辣辣, 保温做得非常好👍🏻！袋内更附有劳工手套🧤、胶手套、辣椒粉🌶️, 好方便！🍗丰味窑鸡 打开锡纸就见到香喷喷嘅窑鸡！选用三黄鸡, 以3种葱同秘制酱汁腌制, 用锡纸包好鸡只后再以高温烤焗, 用心制作！窑鸡色泽金黄, 用手轻轻一撕就拆到啲肉出嚟, 鸡肉肉质嫩滑多汁, 连鸡胸肉都好滑, 一啲都唔干柴！腌得非常入味, 啖啖都充满着肉汁同鸡油, 又唔会太咸, 真系非常推介👍🏻