公子茶座 (已結業)

【观塘区】【公子茶座】好耐都冇过嚟得宝呢边，上次应该成七年前同个同事过嚟呢边好似系萨莉亚食嘢，而家个同事都升埋职做埋我上司咯，都应该冇乜机会再食饭喇。所以我就揾咗另一位同事同我一齐食，我份人比较乞人憎，其实系难揾人架。今次系得到邀请去咗呢一间开咗冇耐嘅餐厅，店主有广泛兴趣，涉猎室内设计装修、美容、玩具、植物等等，而且中意食，所以对食物质素同服务质素有要求，就放手一搏，顶咗呢间老店，希望提供快乐同埋好味嘅食物咁样。我一入到去就被佢哋老牌冰室茶座气氛所感染，真系好有老香港情怀，啱晒我呢啲「身份证以上，长者咭未满」嘅老人家。坐低就叫个「招牌生煎肉饼饭」，个肉饼真系即场生煎，配合啲甜甜哋嘅葱同豉油汁，成份系秒清咗。餐饮方面，呢度居然有「Cold Brew 咖啡」拣，唔太识饮咖啡嘅我都觉得几好饮，茶记都饮到更加系惊喜。加 $7 转配之下成份餐 $65，个人认为价钱上一啲都唔贵，净讲杯咖啡都值返晒啦。可惜系同事唔肚饿，食其他嘢。佢食个「一口花生酱西多士配炼奶」，佢食唔晒，我试到一旧。都好厚好大旧吓，一口应该就比较难处理，花生酱又浓，好食。餐饮加 $4 饮「爱尔兰咖啡」，我第一吓见到，以为系店家居然