嗎哪餐廳

营业中

休息中

【观塘区】【吗哪餐厅】去观塘睇港昔旅游嘅展览，经过翠屏道见到观潮浸信会教会里面居然经营一间餐厅。佢哋话系以餐饮作扶贫嘅基督教非牟利机构，希望透过餐饮服务，接触同援助贫穷弱势社群，成为社区与基督信仰间的桥梁咁话，咁我就入去睇睇。叫咗个 $88 嘅「Manna 美式下午茶餐」，佢有原块慢煮鸡扒、猪肉肠、茄汁豆、牛乳炒蛋同杂菜沙律喺入面，仲配嘢饮，我拣「热奶茶」。质素方面，块扒慢煮完仲有煎过，几好，两条肠冇乜味，炒蛋都几好，其他嘢正常。跟餐可以配小食，我加 $18 要咗「避风塘鸡中翼」同埋要咗加 $15 嘅「酥炸饺子」，只能够讲，呢个价钱系食呢啲质素，冇惊喜亦冇乜嘢要闹。夹埋 $121 走人，支持吓呢啲餐厅冇乜所谓，当系支持佢哋服务人群嘅心。佢哋唔只提供餐饮服务，仲有音乐班、英文班、独居长者清洁小队、妇女活动及无家者同行计划等等，并且坚持为不同基层家庭提供食物支援，目前每月提供达 15,000 份食物。佢哋以「先帮助后检讨」嘅方法，做住先，几好。。。（地址：观塘翠屏道11号观潮浸信会1楼）#1amfoodie #foodie #hkfoodie #thatfoodiething #hkfoo