暮舍 (已結業)

【观塘区】【暮舍】上次试尖沙咀一间楼上 bar 之后，有位同事「副康乐」就同我讲佢都好有兴趣，咁今次有机会就夹埋佢一齐去观塘呢间「暮舍」。呢度就有主食、甜品同一系列无酒精饮品供应，入去觉得好 chill，有户外景色几舒服呀。食指大动之下，叫咗个 $128 嘅「明太子蟹肉扁意粉」，可能时间仲早，都几快整好，味道都好好，明太子味几浓。然后叫咗个 $168 嘅「特色鳗鱼蛋包意大利饭」，鳗鱼够滑，个饭好浓，啱啱好，但副康乐反而略嫌佢太浓添。嘢饮方面，我叫咗杯 $45 嘅「自家制柠檬梳打」，以 lemonade 嚟讲佢呢个真系几好，唔会话得铺死甜或者死酸，平衡得好好。而副康乐就叫咗杯 $42 嘅「荔枝薄荷梳打」，佢都话杯嘢味道唔错，只系佢唔中意只杯个形状。我哋走𠮶阵已经全场爆满，座位有限，去就预约咗先好啲。。。@mosha.hk（地址：观塘鲤鱼门道2号新城工商中心4楼418室）#1amfoodie #foodie #hkfoodie #thatfoodiething #hkfood #food #instafood #yummy #foodies #globaleats #tastyfood #