漢記小廚 (已結業)

【观塘区】【汉记小厨】有几次一落机就系揾道歉哥食嘢，今次仲痴线，系再睇完波先去食嘢，所以真系劲肚饿。我哋去睇赛马会菁英杯嘅赛事，由大埔对东方，最后大埔以二比一胜出。睇完场波之后，我都几乎饿到冇力行出去，喺附近食算喇。头先唔记得讲，我哋系去九龙湾公园足球场睇波嘅，所以行返出市区都有啲距离。而呢头咁啱其实有啲冬菇亭，都系好有香港特色嘅食肆，因此我都唔介意喺呢头食嘢。嚟到呢间汉记门口，见佢有侍应招呼我哋入去，就入去啦。冇椒盐豆腐，就叫 $78 嘅「红烧豆腐」取代佢啦。出到嚟热辣辣，啲豆腐又够滑，几好味。跟住就到 $100 嘅「菠萝咕噜肉」，呢碟好明显又系为咗致敬女同事而叫，不过味道好一般，唔会将佢推荐畀女同事，以免引起坏印象。既然讲到肚饿，都要有啲五谷类浪吓肚，叫咗碟 $70 嘅「星洲炒米」嚟食，几有镬气，几够味，系唔错嘅。嘢饮方面，道歉哥饮 $10 嘅「可乐」，我就饮都系 $10 嘅「忌廉」，内地人唔识饮，我饮。埋单 $268，我觉得唔算贵嘅。。。（地址：九龙湾启业启业街8号熟食亭）#1amfoodie #foodie #hkfoodie #thatfoodiething #hkfood