牛大人台灣火鍋吃到飽 (鱷魚恤中心)

营业中

休息中

【观塘区】【牛大人】其实呢间嘢都冇咩好讲架喇，我相信有睇 foodie page 嘅朋友都好大机会会嚟过呢度打边炉。佢哋受欢迎嘅原因有好多，有台式元素，有任食元素，甚至可能牵涉政治元素。我就唔喺度探讨喇，反正入得去嘅，都系一个选择。我就系同以前电台同事食饭，平时都比较少约，约到咪打吓边炉啰。咁佢哋话去呢间我都唔会反对嘅，虽然 1am0339 𠮶时我已经连 menu 都打埋入 post，但今次系 $288 嘅「美国特级安格斯牛吃到饱」餐，食得豪过上次㖞。汤底加 $50 可以要鸳鸯锅，我哋就拣咗「牛夫人秘方麻辣锅」同埋「台中蒜头鸡锅」，当然睇得耐啲嘅朋友就知我唔太食辣，所以系后者先系我拣嘅。然而两者都略为滚吓食吓嘢之下，感觉两个汤底都系偏薄身，唔太够浓。嘢食方面，今次就唔讲咁多喇，主要都系食「安格斯特选牛板腱」比较多，我自己就偏好「真台湾鲷鱼片」，朋友就唔太热衷咁解。嘢饮都系一如以往𠮶啲，冇乜大嘅变化。三位埋单系 $1005，正常而合理嘅价钱啰。。。（地址：观塘开源道79号鳄鱼恤中心5楼全层）#1amfoodie #foodie #hkfoodie #thatfoodiething #hk