魚川居 (裝修中)

【观塘区】【鱼川居】之前讲过会同同事食十次饭，点知佢原来系唔食川辣嘅，所以我就约美女一齐去食。间嘢喺观塘开源道，其实去就唔难去，不过如果搭巴士呢，就好容易要顺道问候埋观塘母亲，搞到我哋去都迟咗啲到，阴功。不过我系嚟呢幢大厦做嘢嘅，工作时间都好快过，然后就入去食嘢。间嘢都几开扬同几阔落，空间感够就唔会令到个氛围好似好局促咁，抵赞。食嘢𠮶时系 Office hour，食个午餐都合情合理吖，要两份 share 食。第一份系 $64 嘅「招牌酸菜鱼」配「淮山面」，首先大家嘅第一印象都系啲鱼片唔会煮到「腍 Bat Bat」咁，口感几好，有嚼头之余又冇骨，正。同埋我哋叫小辣之下，汤头系酸大于辣，个麻感匿喺酸味后面帮手，温和咗。之后系 $62 嘅「口水手撕鸡」加 $5 由饭转「沙律菜」，我哋都觉得两者都几好食，几有川式风味，手撕鸡加咗口水汁之后冇乜违和感。套餐加 $6 有冻饮，朋友嘅「冻柠茶」少冰同我𠮶杯加 $10 嘅「紫贝天葵」都系正常。去到先知，原来呢间餐厅个晚市系有火锅放题供应，睇 menu 见到可以用酸菜鱼、水煮鱼、烤鱼、鸡煲、椰青鸡做汤底，然后分三级咁做任食，去到 Level 3 仲有两款