影片
更多
2024-04-15
971 浏览
【观塘区】【February】我系一个二月生日嘅水瓶座宝宝，每逢见到相关嘅嘢都会特别 alert 到。见到呢间以呢个月份嚟命名嘅餐厅，就决心要带埋细猪哥伉俪嚟试一试佢。佢呢间系一间西餐酒吧，除咗有西餐食之外，仲有得唱 K、掟镖，系有酒队、有靓女嘅一个半「蛇窦」，几正。叫咗个 $588 嘅「二人 Set Dinner」，可以拣三个主食，细猪嫂好想食猪手，就试「德国火焰咸猪手伴酸椰菜」，佢系德国南部特色嘅脆炸猪手，好食，上菜时仲加多一个火焰烧烤嘅特效，熊熊嘅烈火满足埋视觉上嘅享受，伴碟嘅酸椰菜同薯茸都好好味。而套餐里面仲可以有两个选择，首先拣咗「千岛酱蟹肉海鲜薄饼」嚟试，千岛酱好香浓，同其他馅料相辅相成，成件事几正，好快清晒。另外一款主食就试「卡邦尼意大利粉」，咪睇佢其貌不扬，食落好浓好香蛋黄味，我哋食完都不停讲返碟嘢估唔到咁正。小食就有「水牛城鸡翼」同加 $68 嘅「香煎鹅肝多士」，前者被大家盛赞好味，后者都唔错。餐汤嘅精选西式浓汤系牛尾汤，我哋加咗 $38 饮「龙虾汤」，得到细猪嫂嘅高度评价，我就几欣赏佢香浓得嚟几好肉。而餐饮我哋冇要到，嚟到酒吧就梗系饮酒啦。呢度有 $320 嘅男士任
叫咗个 $588 嘅「二人 Set Dinner」，可以拣三个主食，细猪嫂好想食猪手，就试「德国火焰咸猪手伴酸椰菜」，佢系德国南部特色嘅脆炸猪手，好食，上菜时仲加多一个火焰烧烤嘅特效，熊熊嘅烈火满足埋视觉上嘅享受，伴碟嘅酸椰菜同薯茸都好好味。
而套餐里面仲可以有两个选择，首先拣咗「千岛酱蟹肉海鲜薄饼」嚟试，千岛酱好香浓，同其他馅料相辅相成，成件事几正，好快清晒。另外一款主食就试「卡邦尼意大利粉」，咪睇佢其貌不扬，食落好浓好香蛋黄味，我哋食完都不停讲返碟嘢估唔到咁正。
小食就有「水牛城鸡翼」同加 $68 嘅「香煎鹅肝多士」，前者被大家盛赞好味，后者都唔错。餐汤嘅精选西式浓汤系牛尾汤，我哋加咗 $38 饮「龙虾汤」，得到细猪嫂嘅高度评价，我就几欣赏佢香浓得嚟几好肉。而餐饮我哋冇要到，嚟到酒吧就梗系饮酒啦。
呢度有 $320 嘅男士任饮同 $88 嘅女士任饮优惠，好似食主食就可以加钱转，我哋有食主食当然就可以享用。而女士嘅价钱咁经济实惠，难怪在场系女多男少嘅，简单嚟讲就系「重女」，我呢啲穷肥矮毒去到鬼咁怕丑。而任饮嘅饮品款式，系以下呢八项：
红酒一款
白酒一款
Gin Tonic
Long lsland lced Tea
Snow Ball
February Punch
Vodka Lime
Whisky Coke
佢呢个优惠就喺下午 3:00-6:00 或者晚上 6:00-9:00 供应，二人同行，需要惠顾一主菜、一小食。另外佢哋仲有个任饮优惠系包括红酒、白酒同埋 8 款啤酒嘅，呢个就男士 $270 位，女士 $180 位，要埋 cocktail 再加 $50 位嘅。佢哋啲 cocktail 系出色，値得试嘅。。。
（地址：观塘骏业街56号中海日升中心2楼A号舖）
@february_bar_restaurant
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am观塘区 #观塘 #february #贰月 #德国火焰咸猪手伴酸椰菜 #千岛酱蟹肉海鲜薄饼 #卡邦尼意大利粉 #水牛城鸡翼 #香煎鹅肝多士 #牛尾汤 #龙虾汤 #cocktail任饮 #cocktail #红白酒任饮 #FoxyPeach #LoveStory #FebruaryPunch #SnowBall #LongIslandIcedTea #BlueHawaii #1am1358 #1ambackup
张贴
