影片
更多
2015-09-23
1710 浏览
观塘工厦的cafe越开越多，越开越有特色同卖点！就好似呢间位于巧明工厂大厦5楼新开的Oldish，相信一班蒲开观塘的潮人文青一定去过呢个单位，因为之前久唔久都会搞d pop-up sale，好似start from zero呢d品牌等。宜家呢度就变身成为潮玩复古同工业风的cafe，集手作工作室、时装店同咖啡店于一身，将vintage融合cafe。Oldish面积过万呎，比起一般咖啡店宽敞得多，用上唔同设计同款式的木系枱櫈，raw味十足。厨房设计亦非常开扬，坐正沿边位置仲可以望住店员为你烹调美食添﹗暂时只做午市的Oldish lunch menu就有6款选择，价钱大约$120-150左右，当然食材同质素都有番咁上下喇，仲配餐汤同套餐饮品，非常实惠。是日餐汤系周打蚬汤，一向唔太钟意饮白汤的我系好怕D汤开粉煲/冲，会食到D一嚿嚿的未溶粉团，不过呢个汤就完全唔会，而且用料十足，啖啖蚬肉，好好喝喔~男友点咗Oldish All Day Breakfast，当然系signature加稳阵之选喇﹗份量亦非常足秤，基本炒蛋、烟肉、蕃茄、蘑菇、肠同薯饼都有齐，最正系有埋烟三文鱼，虽然唔系话好大片，不过过
Oldish面积过万呎，比起一般咖啡店宽敞得多，用上唔同设计同款式的木系枱櫈，raw味十足。厨房设计亦非常开扬，坐正沿边位置仲可以望住店员为你烹调美食添﹗暂时只做午市的Oldish lunch menu就有6款选择，价钱大约$120-150左右，当然食材同质素都有番咁上下喇，仲配餐汤同套餐饮品，非常实惠。
是日餐汤系周打蚬汤，一向唔太钟意饮白汤的我系好怕D汤开粉煲/冲，会食到D一嚿嚿的未溶粉团，不过呢个汤就完全唔会，而且用料十足，啖啖蚬肉，好好喝喔~
男友点咗Oldish All Day Breakfast，当然系signature加稳阵之选喇﹗份量亦非常足秤，基本炒蛋、烟肉、蕃茄、蘑菇、肠同薯饼都有齐，最正系有埋烟三文鱼，虽然唔系话好大片，不过过下口瘾都几happy呀﹗另外，想特别一提的系嚿Ciabatta包，微温唔干，够哂松软，仲有应该系开心果的果仁碎，令个意大利包更香更有口感﹗
而我就拣咗香煎澳洲肉眼扒配薯条迷你沙律，点咗5成熟，来到一睇到已经「哗」一声，因为块扒的size唔细，而且明显厚切。之后切开见到中间D肉仲带点血红红，仲有血色肉汁流出来，出面一般café或西餐厅通常都会煎得过熟，而呢度就做到啱啱好，非常有惊喜﹗肉质非常鲜嫩带少少烟韧，但唔会太淋或鞋口，不过牛肉味就唔系好浓，但呢个价钱完全系合乎水准兼夹系喜出望外之选﹗
食完野饱饱地可以去埋后面的工作室同时装店行下睇野，钟意vintage的潮人们千祈唔好错过呀，话唔定会揾到心头好添架﹗
张贴
