保家山 (已結業)

位于观塘工厦骆驼漆大厦入面，有一间汉堡包嘅专门店，主打香港制造嘅汉堡包，当然要支持下。喺中午繁忙时间好多附近工商厦嘅人士过嚟食汉堡包，几受欢迎。「山」手工和牛汉堡和牛汉堡用咗两种牛肉手打而成，包括澳洲和牛同美国安格斯牛，牛肉味浓，肉汁丰富，口感扎实，食落唔油腻，加埋饱满自家调制嘅招牌酱汁，令汉堡更惹味。另外蕃茄丶生菜丶洋葱，咬落几fresh 。除咗有和牛汉堡，仲有鸡肉嘅汉堡嫩鸡汉堡配传统酱汁，鸡肉口感松脆，鸡汁饱满，配埋生菜味道好清新。唔油腻之选。女士如果觉得牛肉太大份，可以选择嫩鸡汉堡。紫菜薯条套餐包左薯条及汽水，呢度薯条有几种口味选择，我拣咗紫菜味薯条，食落酥脆香口，薯条表面嘅紫菜好多，劲惹味。健康沙律套餐除咗薯条之外，有沙律可供选择，沙律菜够晒新鲜，份量多，有多款唔同嘅菜，加上香口嘅橄榄油，食咗唔怕有罪恶感，健康人士之选。