影片
更多
2023-07-19
19 浏览
今次系假期同男朋友过咗嚟观塘海滨散步，顺便再附近揾间餐厅食。经过已经留意到呢间居酒屋，见餐牌都唔太贵就决定食呢间。———————————————🌟刺身拼盘5种 $328刺身分别有油甘鱼、带子、吞拿鱼、剑鱼腩同日本鱿鱼，每件刺身基本上都系厚切，食落超鲜甜。个人最爱系油甘鱼，果种鲜鱼味真系好令人回味，另外佢个日本鱿鱼都好特别，先系好有心地切边再烧开变成花形，其次系佢个鱿鱼食落好弹牙，唔似平时食开果种黏式重嘅品种。.🌟炸明太子鸡翼 $68食落有少少辣辣地，个明太子酱已经唔系表面咁简单，连鸡肉内层都有，食落好滋味。肉本身都皮脆肉滑，除鸡翼尖外其他都已经去晒骨。.🌟鸡肉丸串 $78个人认为个酱都调得几好，鸡肉点落去酱油蛋汁倍添风味，不过平时出面食嘅会多少少鸡软骨咬落口感爽啲丰富啲，呢度反而系鸡肉比较多，我个人系钟意多少少软骨但我男朋友就钟意呢种多肉啲，各有喜好不过整体都系好好食。.🌟蛋黄酱焗蚝2只 $98蚝本身都大只，最出色系个酱，甜甜地又有少少酸，同埋好似有少少蟹籽食落口感更丰富。加少少柠檬汁系面，个味蕾就更清新再突显多少少蚝嘅鲜味。.🌟野菜乌冬 $58主食方面我叫咗个普通乌冬，价钱一啲都唔贵
今次系假期同男朋友过咗嚟观塘海滨散步，顺便再附近揾间餐厅食。经过已经留意到呢间居酒屋，见餐牌都唔太贵就决定食呢间。
———————————————
🌟刺身拼盘5种 $328
刺身分别有油甘鱼、带子、吞拿鱼、剑鱼腩同日本鱿鱼，每件刺身基本上都系厚切，食落超鲜甜。个人最爱系油甘鱼，果种鲜鱼味真系好令人回味，另外佢个日本鱿鱼都好特别，先系好有心地切边再烧开变成花形，其次系佢个鱿鱼食落好弹牙，唔似平时食开果种黏式重嘅品种。
.
🌟炸明太子鸡翼 $68
食落有少少辣辣地，个明太子酱已经唔系表面咁简单，连鸡肉内层都有，食落好滋味。肉本身都皮脆肉滑，除鸡翼尖外其他都已经去晒骨。
.
🌟鸡肉丸串 $78
个人认为个酱都调得几好，鸡肉点落去酱油蛋汁倍添风味，不过平时出面食嘅会多少少鸡软骨咬落口感爽啲丰富啲，呢度反而系鸡肉比较多，我个人系钟意多少少软骨但我男朋友就钟意呢种多肉啲，各有喜好不过整体都系好好食。
.
🌟蛋黄酱焗蚝2只 $98
蚝本身都大只，最出色系个酱，甜甜地又有少少酸，同埋好似有少少蟹籽食落口感更丰富。加少少柠檬汁系面，个味蕾就更清新再突显多少少蚝嘅鲜味。
.
🌟野菜乌冬 $58
主食方面我叫咗个普通乌冬，价钱一啲都唔贵但食落系好高质，首先个汤底清得嚟唔会淡，唔需要加任何酱汁已经好够味。其次系野菜大部份都鲜甜，仲有两件冬菇非常大粒。乌冬本身都系高质材料，加上个熟成度都把握得好好，所以成个乌冬食落都好满意。
.
🔸整体评价🔸
整体价钱唔会太贵，内部环境同装修都有花心思有日本居酒屋feel，最紧要系食物质素普遍都高，平时系观塘返工嘅朋友仔都可以考虑Lunch过嚟食，个场仲适合见客添啊～
张贴
