影片
更多
2015-04-20
2557 浏览
印尼餐厅除咗尖东好时，仲有间观塘好运，连经常出入观塘的男友都未听过。餐牌得字无相，睇得明D字又唔知其实系乜。最终由店员协助下叫咗个印尼黄锦饭*，即杂锦黄姜饭，系呢度的推介，有印尼炸鸡、巴东牛肉、半只蛋同芽菜、青瓜同甜脆花生等配菜。黄姜饭色香味俱全，而且炒得够干身，非常好食。巴东牛肉肉质软腍，椰味香浓，非常入味，不过都几辣下。食得印尼菜，点少得沙嗲呢？因为无得互mix的关系，拣咗半打沙嗲羊肉。炭烧羊肉肉质松化软嫩，加上少少羊脂同点点羊膻，香口惹味，沙嗲酱够哂椰香，不过食惯有花生粒粒，呢度就无。另外，叫咗个印尼炸鸡（摆明男友拣的），由于本人对印尼炸鸡无咩概念，以为同平时普通炸鸡差唔多，但原来印尼版本系比较deep fried，deep到有点过份干身同「鞋」身，唔太啱我口味。 亦无谂过印尼版的龙眼冰同一向饮开泰式个只系咁唔同！本来杯龙眼冰系透明，底部有D绿色糖水，手多多的我搅下搅下之后，成杯变咗绿色，我个人系比较惊D有色素的饮品。饮咗一啖之后我已经唔想再饮，有阵好浓好浓的甜味，唔系话劲甜，但个甜味好浓同好熟但一时谂唔到系咩，后来系门口橱窗见到摆哂一支支syrup，先知原来系melon味。但系
印尼餐厅除咗尖东好时，仲有间观塘好运，连经常出入观塘的男友都未听过。
餐牌得字无相，睇得明D字又唔知其实系乜。最终由店员协助下叫咗个印尼黄锦饭*，即杂锦黄姜饭，系呢度的推介，有印尼炸鸡、巴东牛肉、半只蛋同芽菜、青瓜同甜脆花生等配菜。黄姜饭色香味俱全，而且炒得够干身，非常好食。巴东牛肉肉质软腍，椰味香浓，非常入味，不过都几辣下。
食得印尼菜，点少得沙嗲呢？因为无得互mix的关系，拣咗半打沙嗲羊肉。炭烧羊肉肉质松化软嫩，加上少少羊脂同点点羊膻，香口惹味，沙嗲酱够哂椰香，不过食惯有花生粒粒，呢度就无。
另外，叫咗个印尼炸鸡（摆明男友拣的），由于本人对印尼炸鸡无咩概念，以为同平时普通炸鸡差唔多，但原来印尼版本系比较deep fried，deep到有点过份干身同「鞋」身，唔太啱我口味。
亦无谂过印尼版的龙眼冰同一向饮开泰式个只系咁唔同！本来杯龙眼冰系透明，底部有D绿色糖水，手多多的我搅下搅下之后，成杯变咗绿色，我个人系比较惊D有色素的饮品。饮咗一啖之后我已经唔想再饮，有阵好浓好浓的甜味，唔系话劲甜，但个甜味好浓同好熟但一时谂唔到系咩，后来系门口橱窗见到摆哂一支支syrup，先知原来系melon味。但系我明明叫龙眼冰，点解要加蜜瓜糖水呢？印尼风味既野我真系识条铁…
最后男友叫咗个椰汁黑糯米，椰汁香甜，黑糯米够哂烟韧，好食。
卖单时我同男友咁啱唔够现金，又无得比卡，加加埋埋仲争廿蚊，印尼华侨老板娘叫我地得闲行开先过来比返，话无所谓喇，搞到我地劲唔好意思，即刻走去㩒机。隔咗10分钟返去比钱，佢竟然话无谂过我地真系返转头，旧区小店真系充满人情味∼其实见到有唔少人帮衬，而且系印尼人开舖应该系几唔错，可能咁啱拣个d唔啱口味喇。
张贴
